संतबानी संग्रह (बेलवेडियर प्रेस, इलाहाबाद - कबीर, दादू, तुलसी, पलटू आदि प्रमुख संतों की वाणी)

फुटकर २५५
काहू के अधार तन सार भ्रात बंधुन को,
काहू के अधार प्रिय सार निज नाम को ॥
काहू के अधार विद्या बुद्धि अरु बल को है,
काहू के अधार हाथी घोड़ा धन धाम को ॥
मैं तो निराधार मेरी हरिहि करेंगे सार,
मेरे तो अधार एक जानो हरि नाम को ॥
कवित्त
कब को पुकारत हौँ सुनौ नहीं एको बात,
एहो नंदलाल तुम कैसे प्रतिपाल हौ ॥
कहैं ह दयाल सो तो दया हू न देखियत,
मेरी मति ऐसी ओछी नीके पसुपाल हौ ॥
धस्यो हो नृसिंह रूप तबहीं प्रह्लाद काज,
अब तो न लाज कछू गोधन मैं ग्वाल हौ ॥
डास्यो तेल कान मैं कि बस्यो जाय कानन१ मैं,
सेस सेज लेटि कि धौँ पौंढ़े जा पताल हौ ॥
सवैया
आईं सवै ब्रज गोप लली, ठिठकीं ह्वै गली जमुना जल न्हाने १
औचक आय मिले रसखान, बजावत बेनु सुनावत तानें ॥२
हाहा [ सिसकीं सिगरी, मति मैन२ हरी हियरा हुलसाने ३
घूम दिमाने३ अमाने चकोर से, ओर से दोऊ चलैँ दृग बानैँ॥४
सवैया
सुनिये सब की कहिये न कछू, रहिये इमि या भव बागर४ सैँ१
करिये व्रत नेम सचाई लिये, जिन तैं तरिये भव सागर मैं ॥२
मिलिये सब सोँ दुरभाव बिना, रहिये सतसंग उजागर मैं ३
रसखान गुबिंदहि यौं भजिये, जिमि नागरि५ को चित गागर मैं ॥४

(१) वन। (२) कामदेव। (३) दीवाने। (४) झाड़ी। (५) चतुर स्त्री।