समराङ्गणसूत्रधार (महाराज भोज - वास्तु, स्थापत्य एवं यंत्र शास्त्र)

देवादिरूपप्रहरणसंयोगलक्षणं नाम सप्तसप्ततितमोऽध्यायः । ६०३
सर्वलक्षणसम्पूर्णो^१ नेत्रत्रितयभूषणः ।
एवंविधगुणैर्युक्तो यत्र लोकेश्वरो हरः ॥ १२ ॥
परा तत्र भवेद् वृद्धिर्देशस्य च नृपस्य च ।
यदारण्ये (संमाने ?)^२ वा विधीयेत महेश्वरः ॥ १३ ॥
एवं रूपस्तदा कार्यः कारकस्य शुभावहः ।
अष्टादशभुजो (जो) दोषणां^३ विंशत्या वा समन्वितः ॥ १४ ॥
शतबाहुः कदाचिद्वा सहस्रभुज एव च ।
रौद्ररूपो गणवृतैः^४ सिंहचर्मोत्तरीयकः ॥ १५ ॥
तीक्ष्णदंष्ट्राग्रदशनः शिरोमालाविभूषितः^५ ।
चन्द्राङ्कितशिराः श्रीमान् पीनोरस्कोऽग्रदर्शनः ॥ १६ ॥
(भद्रम् ?)^६ कर्तव्यः श्मशानस्थो महेश्वरः ।
द्विभुजो राजधान्यां तु पत्तने स्याच्चतुर्भुजः ॥ १७ ॥
कर्तव्यो विंशतिभुजः श्मशानारण्यमध्यगः ।
एकोऽपि भगवान् भद्र(:) स्थानभेदविकल्पितैः^७ ॥ १८ ॥
रौद्रसौम्यस्वभावश्च क्रियमाणो भवेद् बुधैः ।
(उद्याद्यथा भौवद्भागभगवान्)^८ सौम्यदर्शनः ॥ १९ ॥
स एव तीक्ष्णतामेति मध्यन्दिनगतः पुनः ।
तथारण्यस्थितो नित्यं रौद्रो भवति शङ्करः ॥ २० ॥
(सं येद सौम्यावति स्थाने सौम्यो व्यवस्थितः ?)^९ ।
स्थानान्येतानि सर्वाणि ज्ञात्वा किम्पुरुषादिभिः ॥ २१ ॥
प्रैमथैः^११ सहितः कार्यः शङ्करो लोकशङ्करः ।
एतद् यथावत् कथितं संस्थानं त्रिपुरद्रुहः^१२ ॥ २२ ॥
१ द. र्णे । २ मुद्रित प्रतौ 'श्मशाने' इति स्यात् । ३ द. ष्णा । ४ द. त्तः । ५ द. ल ।
६ द. भद्रस्तू स्तु कं । मुद्रित प्रतौ 'भद्रमूर्तिस्तु' इति स्यात् । ७ द. ताः । ८ द. ०द्यं; मुद्रित प्रतौ
'उद्यन् यथा भवेद् भानुर्भगवान्' इति स्यात् । ९ द. भा(भ)वे । १० द. स एदा सौभ्या भवति;
मुद्रित प्रतौ 'स एव सौम्यो भवति स्थाने सौम्ये व्यवस्थितः' इति स्यात् । ११ द. प्रथमैः ।
१२ द. रुहा ।