समराङ्गणसूत्रधार (महाराज भोज - वास्तु, स्थापत्य एवं यंत्र शास्त्र)

६०४ समराङ्गणसूत्रधारे
कार्त्तिकेयस्य संस्थानमिदानीमभिधीयते ।
तरुणार्कनिभो रक्तवासाः पावकसप्रभः ॥ २३ ॥
ईषद्भालाकृतिः कान्तो मङ्गल्यः प्रियदर्शनः ।
प्रसन्नवदनः श्रीमानोजस्तेजोन्वितः शुभः ॥ २४ ॥
(विशेषान्मुडुकैश्चित्रि ? ) मुक्तामणि(वि)भूषितः ।
षण्मुखो वैकवक्त्रो वा शक्तिं रोचिष्मतीं दधत् ॥ २५ ॥
नगरे द्वादशभुजः खेटके षड्भुजो भवेत् ।
ग्रामे भुजद्वयोपेतः कर्तव्यः शुभमिच्छता ॥ २६ ॥
शक्तिः शरस्तथा खङ्गो मुसृण्डी$^३$ मुद्गरोऽपि च ।
हस्तेषु दक्षिणेष्वेतान्यायुधान्यस्य दर्शयेत् ॥ २७ ॥
एकः प्रसारितश्चान्यः षष्ठो हस्तः प्रकीर्तितः ।
(चैतुः ? ) पताका घण्टा च खेटः कुक्कुट(क)स्तथा ॥ २८ ॥
वामहस्तेषु षष्ठस्तु तत्र (शौसर्जन ?) करः ।
एवमायुधसम्पन्नः संग्रामस्थो विधीयते ॥ २९ ॥
(अन्यया) तु विधातव्यः क्रीडालीलान्वितश्च सः ।
छागकुक्कुटसंयुक्तः शिखियुक्तो मनोरमः ॥ ३० ॥
नगरेषु सदा कार्यः स्कन्दः परजयैषिभिः ।
खेटके तु विधातव्यः षण्मुखो$^{१०}$ ज्वलनप्रभः ॥ ३१ ॥
तथा तीक्ष्णायुधोपेतः स्रग्दामभिरलङ्कृतः ।
ग्रामेऽपि द्विभुजः कार्यः कान्तियुतिसमन्वितः ॥ ३२ ॥
(दक्षिणा च भवेद् भक्तिर्नाम हस्ते तु कुक्कुटः ?) ।
विचित्रपक्षः स(सु) महान् कर्तव्योऽतिमनोहरः ॥ ३३ ॥
१ मुद्रित प्रतौ 'विशेषान्मुकुटैश्चित्रैः' इति स्यात् । २ द. ढु । ३ द. मुखंडी । ४ द. णा ।
५ मुद्रित प्रतौ 'धनुः' इति स्यात् । ६ मु. प्र. 'संवर्धनः' इति; द. शंजर्जनकरः । ७ मुद्रित पुस्तके
'अन्यदा' इति स्यात् । ८ द. ड । ९ द. थः । १० द. खे । ११ मुद्रित पुस्तके 'दक्षिणे च भवे-
च्छक्तिर्वामे हस्ते तु कुक्कुटः' इति । १२ द. कुंटः ।