समराङ्गणसूत्रधार (महाराज भोज - वास्तु, स्थापत्य एवं यंत्र शास्त्र)

२४८ समराङ्गणसूत्रधारे
कूटारं + त्रिभागेन वेदेरूर्ध्वं मनोहरम् ।
करमात्रसमुत्सेधं कर्तव्यं मत्तवारणम् ॥ ५३॥
सुखलीलाशनार्थं तत् सप्रवेशं सनिर्गमम् ।
(गन्द्राग्रे सुकाग्रे ?) च प्रतोल्‍यग्रे तथैव च ।
तोरणं त्रिविधं ज्ञेयं कनीयोमध्यमोत्तमम् ॥ ५४॥
इत्थं जगत्यायतनस्य सम्यक्
प्रासादपीठस्य च सम्प्रदिष्टम् ।
विधानमेतज्जगतीषु (नार्त-
मन्यथाभिदधोः सह लक्षणानाम् ?) ॥ ५५॥
इति श्रीमदाराजाधिराजश्रीभोजदेवविरचिते समराङ्गणसूत्रधारनाम्नि वास्तुशास्त्रे
जगत्यङ्गसमुदायाधिकारो नामाष्टषष्टितमोऽध्यायः ॥
अथ जगतीलक्षणं नामैकोनसप्ततितमोऽध्यायः ।
वसुधा वसुधारा ( च) वहन्ती च तथापरे (रा) ।
श्रीधरा भद्रिका³ चैव एकभद्रा द्विभद्रिका ॥ १॥
त्रिभद्रिका भद्रमाला वैमानी भ्रमरावली ।
स्वस्तिका हरमाला च कुलशीला महीधरी ॥ २॥
मन्दारमालिकानाङ्गलेखाथोत्सवमालिका ।
⁴नागारामा मारभव्या तथा च मकरध्वजा ॥ ३॥
नन्द्यावर्ता (नं ?) च भूपाला पारिजातकमञ्जरी ।
चूडामणिप्रभा चैव तथा श्रवणमञ्जरी ॥ ४॥
विश्वरूपादिकमला तथा त्रैलोक्यसुन्दरी ।
गन्धर्वबालिका चान्या विद्याधरकुमारिका ॥ ५॥
सुभद्रा च समाख्याता तथान्या सिंहपञ्जरा ।
( ⁶वज्रपङ्कुरवाद्या: ? ) गन्धर्वनगरी तथा ॥ ६॥
१ द. मा । २ द. ध्मः । ३ द. की । ४ द. नागागानामारभ्यर्च्य तथा च मकरध्वज ।
५ द. नां । ६ द. वज्रपङ्कुरवाद्यः गंधर्व° ।