प्रमाणवार्तिकम् (आचार्य धर्मकीर्ति - मनोरथनन्दि वृत्ति सहित बौद्ध न्याय महाग्रन्थ)

४४० प्रमाणवार्त्तिके [ हेतुलक्षण-
शब्दप्रवृत्तेरस्तीति सोऽपीष्टो व्यवहारभाक् ॥ २२९ ॥
अन्यथा स्यात् पदार्थानां विधानप्रतिषेधने ।
एकधर्मस्य सर्वात्मविधानप्रतिषेधनम् ॥ २३० ॥
अनानात्मतया;
भेदे नानाविधिनिषेधवत् ।
एकधर्मिण्यसंहारो विधानप्रतिषेधयोः ॥ २३१ ॥
एकधर्मिणमुद्दिश्य नानाधर्मसमाश्रयम् ।
विधावेकस्य तद्भाजमिवान्येषामुपेक्षकम् । २३२ ॥
निषेधे तद्विविक्तं च तदन्येषामपेक्षकम् ।
बाह्याबाह्यार्थयोरयोगात्, तदितरस्य चाभावादित्युक्तेः कुत एव विधिनिषेधाभ्यां
तस्य सम्बन्धः स्यात् ! तथापि स विधिः प्रतिषेधस्य शब्दप्रवृत्तेरस्तीति
व्यवहारभागिष्टः । शब्दो हि प्रवर्त्तमानो विधिनिषेधव्यवहारं वस्तुतोऽसन्त-
मप्यविद्याभ्यासतो वासनावशादुपदर्शयतीति तदनुरोधात् स