पाशुपत सूत्र (भगवान् लकुलीश - कौण्डिन्य प्रणीत पञ्चार्थभाष्य सहित पाशुपत दर्शन मूल)

द्वितीयोऽध्यायः। ५५
आह—कम् आमन्त्रयते ? । कं प्रपद्यते ? । कस्मै नमस्कारं
करोति ? । कस्तं पुरुषं भवाद् मोक्षयति ? । कं वा ब्रवीति भजस्व
मामिति ? । तदुच्यते—यस्मादाह—¹
भवोद्भवः ॥ ४४ ॥
अत्र भव इति विद्याकलापशूनामेव ग्रहणम् । तस्योत्पत्ति-
कर्ता भगवानित्यतो भवोद्भवं² इति । अत्रोत्पादकानुग्राहकतिरो-
भावकधर्मि कारणम्, उत्पाद्यानुग्राह्यातिरोभाव्यधर्मि कार्यमित्येतत्
कार्यकारणयोर्लक्षणम् । एतस्मिन् कारणे प्रपत्त्यादि क्रमोपयोगि
द्रष्टव्यम् ॥ ४४ ॥
एवमत्र भगवत्कौण्डिन्यकृते पञ्चार्थभाष्ये प्रथमोऽध्यायः
सह ब्रह्मणा ग्रन्थतोऽर्थतश्च परिसमाप्त इति ॥
द्वितीयोऽध्यायः ।
इदानीं द्वितीयमध्यायमवसरप्राप्तं कार्यकारणशेषेण सम्बन्धं
कृत्वा व³क्ष्यामि (वक्ष्यामः) ।
१. 'भवोद्भवाय नमः' इति तैत्तिरीयपाठः.
२. 'महासृष्टिसंहारकर्तृत्वं भवोद्भवत्वम्' । गणकारिकाव्याख्यायां page 11.
३. The singular is used in this place only. I believe it is due
to the scribe's mistake.