पञ्चसायक (कविशेखर ज्योतिरीश्वर - कामकला एवं रति-शास्त्र संस्कृत मूल पाठ)

तृतीय-सायक ३६
वामं विलिम्पति पदं सहसैव यस्या
स्तस्यैव सा भवति नात्र विकल्पभावः ॥ ५३ ॥
अथ पतिदासीकरणप्रयोगमाह—
सम्भोग-शेष-समये निज-कान्त-मेढ्रं ।
या कामिनी स्पृशति वामपदाम्बुजेन ।
तस्याः पतिः सपदि विन्दति दासभावं
गोणी-सुतेन कथितः किल योगराजः ॥ ५४ ॥
अथ कपोतमलादिप्रलेपविधान माह—
सिन्धूत्थ-माक्षिक-कपोतमलानि पिष्ट्वा
लिङ्गं विलिप्य तरुणीं रमते नगे यः ।
मान्यं प्रयाति पुरुषं न कदापि कामं
दासीभवेदतिमनोहरदिव्यमूर्तिः ॥ ५५ ॥
अथ भल्लूकमेढ्रघनसारादिप्रयोगमाह—
“भल्लूक-मेढ्र-घनसार-मधूनि पिष्ट्वा
लिप्तध्वजो निधुवनं विदधीत यस्याः ।
साह्लादिनी कुसुमसायकमन्नताक्षी
वश्या भवेच्चिरतरं न हि संशयोऽत्र ॥ ५६ ॥
अथ गोरोचनादिप्रलेपं निरूपयति—
गोरोचना-शिशिरदीधिति-शम्भुबीज-
काश्मीरचन्दनयुतः कनकद्रवैश्च ।