पञ्चसायक (कविशेखर ज्योतिरीश्वर - कामकला एवं रति-शास्त्र संस्कृत मूल पाठ)

३६ पञ्चसायके
तैलेन वृद्धिं खलु याति लिङ्गं
वराङ्गनाऽलोकनमोहनञ्च ॥४४॥
इति ध्वजस्थूलीकरणसमुद्देशः ॥
[११] “अथ ध्वजदृढीकरणसमुद्देशः–
अथ करवीरदलादिप्रलेपविधानमाहः–
हयारि पत्रं नवनीत मध्ये
वचा-बला-नाग वलामयैश्च ।
लेपेन लिङ्गं महसैव पुंसां
लोहोपमं स्यादिति दृष्टमेतत् ॥४५॥
इति ध्वजदृढीकरणसमुद्देशः ॥
(१२) “अथ वीर्यस्तम्भनसमुद्देशः–
अथ लजालुमूलादिप्रयोगं निरूपयति–
क्षीरेण वस्तस्य च वत्समूलं
लजालु-मूलं स्वयमेव पिष्ट्वा ।
य स्तु स्वपादौ परिलिप्य शेते
रेतो न तस्य द्रवते कदाचित् ॥४६॥
अथ श्वेतशरपुङ्खफलादिप्रयोग माह–
श्वेतेषुपुङ्खाख्य-तरोः फलानि
क्षीरेण पिष्ट्वा वट-पादपस्य ।
करञ्ज-बीजोदर मध्यगानि
बध्नन्ति वीर्यं वदने धृतानि ॥४७॥
(१) 'पलामान' २पुस्तकाय पाठः ।