न्यायमञ्जरी: प्रथम भाग (आचार्य जयन्त भट्ट - पं. सूर्यनारायण शुक्ल सम्पादित, काशी संस्कृत ग्रन्थमाला)

यितुमुत्सहन्ते, भृष्टबीजानामिव स्वरूपशक्तिरपि तानवं गता तद्वत्कर्मणां स्व-
रूपशक्तिशैथिल्यं मा नाम भूत्तथापि कुसूलवर्तिबीजवत्सहकारिवैधुर्यात्कार्या-
नारम्भ इति, तदिदमुक्तम् 'न प्रवृत्तिः प्रतिसन्धानाय हीनक्लेशस्येति', (गो०
अ० ४ आ० १ सू० ६४) ।
ननु स्वरूपसत्तायां धर्माधर्मयोः कथमिदमुक्तं-'नवानामात्मगुणानां निर्मूलो-
च्छेदो ऽपवर्ग' इति, नैष दोषः-मनसंयोगवदकिञ्चित्करयोरवस्थानमप्युच्छेदान्न
विशिष्यते , उक्तस्यात्मनो विभुत्वादपरिहार्यो मनसंयोगः, न च तदानीमसौ
सन्नपि सुखदुःखज्ञानादिजन्मनि व्याप्रीयते, एवं धर्माधर्मौ सन्तावपि फलमा-
क्षिपन्तौ किं करिष्यत इति फलत उच्छिन्नाविव भवतः, तस्मान्नवानामात्मगुणाना-
मुच्छेदोऽपवर्ग इत्यविरुद्धम् , एवं प्रवृत्त्यनुबन्धस्यापि बन्धहेत