न्यायबिन्दु (आचार्य धर्मकीर्ति - धर्मोत्तर टीका एवं पं. चन्द्रशेखर शास्त्री सविस्तार हिन्दी व्याख्या सहित)

तृतीयपरिच्छेदः ६७
नित्यमित्यनित्यत्वमनूद्य तत्कृतकमिति कृतकत्वं विहितम् । अतोऽनित्यत्वं
नियतमुक्तं कृतकत्वे न तु कृतकत्वमनित्यत्वे । ततो यथानित्यत्वादनियता-
त्प्रयत्नानन्तरीयकत्वेन प्रयत्नानन्तरीयकत्वप्रतीतिस्तद्वत्कृतकत्वाद नित्यत्वप्रति-
पत्तिर्न स्यात् । अनित्यत्वेऽनियतत्वात्कृतकत्वस्य । यद्यपि च कृतकत्वं
वस्तुस्थित्या नित्यत्वे नियतं तथाप्यनियतं¹ वक्त्रा दर्शितम् । अतस्तत्स्व-
यं न दुष्टमपि वक्तु²र्दोषाद्दुष्टम् । तस्माद्विपरीतान्वयोऽपि वक्तुरपराधान्न
वस्तुतः । परार्थानुमाने च वक्तुरपि दोषश्चिन्त्यते ।
इति साधर्म्येण ।
इति साधर्म्येण नव³ दृष्टान्तदोषा उक्ताः ।
वैधर्म्येणापि⁴ नव⁵ दृष्टान्तदोषान् वक्तुर्माह⁶—
वैधर्म्येणापि परमाणुवत्कर्मवदाकाशवदिति साध्या-
द्यव्यतिरेकिणः ।
नित्यत्वे शब्दस्य साध्ये हेतावमूर्तत्वे परमाणुवद्वैधर्म्यदृष्टान्तः⁷ ।
साध्याव्यतिरेकी नित्यत्वात्परमाणूनाम् । कर्म साधनाव्यतिरेकि । अमूर्त-
त्वात्कर्मणः । आकाशमुभयाव्यतिरेकि । नित्यत्वादमूर्तत्वाच्च । साध्यमादि-
र्येषां तानि साध्यादीनि साध्यसाधनोभयानि तेषामव्यतिरेको वृत्त्यभावः⁸
स येषामस्ति ते साध्याद्यव्यतिरेकिणः । ते चोदाहृताः ।
अपरानुदाहर्तुमाह—
तथा संदिग्धसाध्यव्यतिरेकादयः ।
तथेति । साध्यस्य व्यतिरेकः साध्यव्यतिरेकः संदिग्धः साध्यव्यति-
रेको यस्मिन् स संदिग्धसाध्यव्यतिरेकः स आदिर्येषां ते तथोक्ताः ।
संदिग्धसाध्यव्यतिरेकमुदाहर्तुमाह—
यथाऽसर्वज्ञाः कपिलादयोऽनाप्ता वा । अविद्यमान-
१ 'तथाप्यनियतं' इति पाठः क० पुस्तके नोपलभ्यते । २ वक्तुर्दोषात्, क० वक्तु
दोषात्, ख० वक्तृदोषात् । ३ नव दृष्टान्त०, ख० तद्दृष्टान्त० । ४ मुद्रितपुस्तके
'द्वैधर्म्येण' । ५ पदमिदं ख० पुस्तके नोपलभ्यते । ६ वक्तुमाह, ख० वक्तुकाम आह ।
७ परमाणुवत्, ख० परमाणु० । ८ वृत्त्यभावः, ख० निवृत्त्यभावः (अशुद्धः) । ९ 'यथा-
ऽसर्वज्ञाः' इति पाठोऽस्माकं सम्मतौ । मुद्रितपुस्तके तु 'यथा सर्वज्ञाः' इति पाठ एव ।
१३ न्या०