मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

श्रीभट्टनारायणकण्ठविरचितवृत्त्युपेते । ६५
'यथा विशुद्धमाकाशं तिमिरोपप्लुतो जनः ।
संकीर्णमिव मात्राभिश्चित्राभिरभिमन्यते ॥
तथेदममृतं ब्रह्म निर्विकारमविद्यया ।
कलुषत्वमिवापन्नं भेदरूपे प्रवर्तते ॥'
इति । एवं चाभिन्नमेवेदं परं ब्रह्म परमात्म-
लक्षणम् । मनसां हि संसारधर्मैः सुखदुःखादि-
भिर्योगः, परमात्मा तु सूर्य इवाम्भःप्रतिबिम्ब-
भेदैरुपाधिभिरभिन्नोऽपि भिन्न इव प्रतिभाति ।
तथाच श्रुतिः
'यथा ह्ययं ज्योतिरात्मा विवस्वा-
नपो भिन्ना बहुधैकोऽनुगच्छन् ।
उपाधिना क्रियते भेदरूपो
देवः क्षेत्रेष्वेवमजस्तथात्मा ॥'
इति ॥
तदेतन्नोपपद्यते, यतः
प्रतिज्ञामात्रमेवेदं
निश्चयः किंनिबन्धनः ॥ १२ ॥
ओमित्युपपत्त्यनुपपत्तिपर्यालोचनपरिहारेण
यद्येतदङ्गीक्रियते, काममवतिष्ठतां, नतु प्रा-
माणिकरीत्या । यस्मात्प्रतिज्ञामात्रमेवैतत्, न
९