मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

६४ मृगेन्द्रतन्त्रे । [ ११२
अथ किं तदन्यदर्शनानामस्फुटत्वमित्याह
वेदान्तेष्वेक एवात्मा
चिदचिद्व्यक्तिलक्षितः ।
'आत्मैवेदं जगत्सर्वं नेह नानास्ति किंचन ।'
तथा
'एको वशी सर्वभूतान्तरात्मा
एकं विश्वं बहुधा यः करोति ॥' (क० ५।१२)
इत्यादिश्रुतिभिः परमात्मैव सकलचिद्-
चिद्भावाविर्भावतिरोभावप्रकृतिभूतः परिपूर्ण-
षाड्गुण्यवैभवस्वतन्त्रः एकोऽपि सन् संसृत्यर्थं
तत्तद्विविचमनोलक्षणोपाधिभेदेन स्वभावा-
न्तरानुविधायी यथावदवगतोऽभ्युदयाय भ-
वतीति वेदान्तविदः प्रतिपन्नाः । स एव हि
सत्त्वात्मनि शान्त उपाधौ शान्त इव, रजो-
बहुले तु भगवानिव, अज्ञानात्मके च तमसि
मुग्ध इवास्ते, नतु ततोऽन्यत् पृथक् किंचिद्-
वतिष्ठते तस्यैव तथा तथा वैचित्र्येणावस्थितेः
सत्यत्वात्, द्वैतप्रतिभासस्य द्विचन्द्रादिज्ञानवत्
भ्रान्तत्वात् । तथाचाह तत्रभवान् भर्तृहरिः