मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

६० मृगेन्द्रतन्त्रे । [ १।२
इति । तेन भुक्तिमुक्ती परापरविभागेन ब-
हुधा भिद्येते । तत्र परा भुक्तिः पातालादिकला-
न्ताध्ववर्तिविचित्रैश्वर्यसंपन्नतत्तद्भुवनाधिपत्यं,
तत्तद्भुवनवासित्वमात्रं चापरा । एवं परा मुक्तिः
परमेश्वरसाम्यम्, अपरा तु मन्त्रमन्त्रेश्वरत्वम् ।
आसां च यथा बहुभेदत्वं, तथाग्रे वक्ष्यामः॥९॥
अथान्येभ्यो दर्शनेभ्यः कोऽस्य पारमेश्व-
रस्य ज्ञानस्य विशेष इति मुनिः प्रष्टुमाह
वेदान्तसांख्यसदस-
त्पादार्थिकमतादिषु ।
ससाधना मुक्तिरस्ति
को विशेषः शिवागमे ॥ १० ॥
वेदान्तविदां मतेषूपनिषदादिशास्त्रेषु, षैष्टि-
तन्त्रादिषु, सदसद्वादिनामर्हतां च मतेष्वकल-
ङ्कत्रितयप्रभृतिषु, द्रव्यादिपदार्थवादिकाणादा-
दिशास्त्रेषु आदिग्रहणात्सौगतादिमतेष्वपि यतो
मुक्तिस्तत्साधनानि च श्रूयन्ते, ततः कोऽसौ
शिवागमे विशेषः इति विशेषजिज्ञासया तद्व्यव-
१ षष्टिपदार्थाभिधायकत्वात् षष्टितन्त्रं सांख्यम् ।