मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

३६ मृगेन्द्रतन्त्रे । [ २११
जहाति जन्तुर्यः प्राणान्
स शिवत्वं प्रपद्यते ।
आस्तां तावद्व्याप्तिविषया चिद्व्यक्तिर्वक्ष्य-
माणोत्क्रान्तिविधिं विनापि परमेश्वरध्यानज-
पगर्भान् प्राणायामान् कुर्वन् यो जन्तुः प्राणां-
स्त्यजति स शिवतामेति अपवृज्यते इत्यर्थः ॥
अथात्र मुनिः प्रश्नयति
रूपं परं महेशस्य
ध्यातुं शक्यं न जातुचित् ॥५४॥
वैचित्र्यात्कल्पितं भ्रान्त्यै
तत्रास्था चेतसः कथम् ।
किल निष्कलस्वरूपस्य तावद्भगवतः स्वरूपं
निराकारत्वे सति नीरूपत्वात् ध्यातुं न शक्यम् ।
यदाहुः
‘आकारवांस्त्वं नियमादुपास्यो
न वस्त्वनाकारमुपैति बुद्धिः ।'
इति । अथास्य परमार्थतो रूपासंभवेऽपि ध्या-
यिनां चित्तवृत्तिनिबन्धनभूताकारविशेषकल्प-