मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

अथ
श्रीमृगेन्द्रतन्त्रे ।
विद्यापादे ।
( अष्टमः पटलः )
अथ पाशपदार्थपरीक्षाधिकारात्समनन्तरप-
टलान्तसूचितकर्मपाशपरीक्षाप्रस्तावः। पदार्था-
दिसंबन्धाश्चास्य प्रोक्तप्रकरणारम्भ एवोक्ताः।
अथेन्द्रियशरीरार्थै-
श्चिद्योगस्यानुमीयते ।
निमित्तमागामिभावा-
द्यतो नागाम्यहेतुमत् ॥ १ ॥
अथेत्याणवरोधशक्त्याख्यपाशद्वयविचारा-
नन्तरम्, इन्द्रियैरन्तःकरणबहिष्करणैः, शरी-
रेण च स्थूलसूक्ष्मरूपेण, अर्थैश्चेन्द्रियार्थैर्विषयै-
र्योऽयं चिदात्मनो योगः, तस्यागामिभावादु-
त्पत्तिमत्त्वात्कारणं निमित्तमनुमीयते, न ह्युत्प-
त्तिमच्चाहेतुकं किंचिद्भवति ॥ १ ॥