मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

अथ
श्रीमृगेन्द्रतन्त्रे ।
विद्यापादे ।
( तृतीयः पटलः )
तदेवं दर्शनान्तरापरिविष्टमत्युत्कृष्टं भुक्ति-
मुक्त्याख्यं फलं, तत्साधनोपायश्चास्मिन् शास्त्रे
प्रतिपाद्यत इत्युक्तम् । इदानीं 'सर्वेशानानी-
शितः' इति प्राक्तनप्रकरणोपसंहारे सर्वेशान-
शब्देन सूचितं समर्थयन्नीश्वराख्यं पदार्थमुप-
पादयितुमाह । अत्र च प्रकरणान्तरोपक्रमे
पञ्चप्रकारः संबन्धो वाच्यः । तथाचोक्तं श्री-
मत्पौष्करे
'अनन्तरं यत्पटलात्सूत्रं तन्त्रे प्रवर्तते ।
वक्तव्यस्तस्य संबन्धः पञ्चधा समवस्थितः ॥
तन्त्रवस्तुत्रयात्सूत्राद्वाक्यात्प्रकरणात्तथा ।
पटलाच्च.................................॥'
इति । तन्त्रवस्तुनः पतिपशुपाशात्मकस्य पदा-
र्थत्रयस्य 'त्रिपदार्थं चतुष्पादम्' इत्यनेनोपक्र-
मात् सांप्रतं पतिपरीक्षालक्षणः संबन्धः ।
१३