मल्लपुराण (ज्येष्ठिमल्ल - प्राचीन भारतीय मल्लविद्या, अखाड़ा व्यायाम व कुश्ती महाग्रन्थ)

३४ मल्लपुराणे
शिरसि स्थानकं प्रोक्तं स्थानं करतलेऽपि च ।
उदरस्थानकं वापि पृष्ठस्थानमतः परम् ॥ ११ ॥
समास्थानकमप्येवं चतुर्धा परिकीर्त्यते ।
प्रथमं स्थानकं ज्ञेयं चरणेन च धारणम् ॥ १२ ॥
शिरोधारणमप्यत्र जङ्घाभ्यां धारणं परम् ।
अन्योन्यकरपादाभ्यां धारणं परमं स्मृतम् ॥ १३ ॥
समस्थानकमप्येवं चतुर्धा परिकीर्तितम् ।
उपस्थानानि चत्वारि श्रूयतां च यथा तथा ॥ १४ ॥
कराभ्यां धारणं स्थानं स्थानं कक्षावधारणम् ।
अर्धाङ्गधारणं चैव जानुद्वयविधारणम् ॥ १५ ॥
इत्येवं द्वादशाङ्गेषु स्थानकानि भवन्ति च ।
अष्टादशप्रकारेण शिरः१०पूर्वकमासनम् ॥ १६ ॥
अग्रासनं च प्रथमं पश्चादासनमप्यर्थै ११ ।
मध्यासनं तथैवान्यत् सिंहासनमपीक्ष्यते ॥ १७ ॥
कूर्मासनमपि श्रेष्ठं दर्दुरासनमुच्यते ।
गजासनं समुद्दिष्टं ततोर्धासनमुच्यते ॥ १८ ॥
शिरासनं तु विज्ञेयं कक्षासनमतः परम् ।
ग्रीवासनं १२ च परमं भुजासनमिहोच्यते ॥ १९ ॥
द्विभुजासनमप्यत्र कुक्कुटासनमुत्तमम् १३ ।
फणुगुप्तासनं चैव गरुडासनमेव च ॥ २० ॥
उदरासनमित्येवं कथितं दशसप्तधा* ।
चत्वारोऽत्र भवन्त्येव मल्लाः श्रमगुणैर्युताः ॥ २१ ॥

८ पृष्ठिस्थानम् P. ९ प्रकारेण P. १० शिरोपूर्वकम् B. ११ मध्यथा. B.
१२ श्रीयासनं P. १३ not found in P. *Here the author mentions seventeen Āsanas, but in verse 16 he speaks about eighteen.