मल्लपुराण (ज्येष्ठिमल्ल - प्राचीन भारतीय मल्लविद्या, अखाड़ा व्यायाम व कुश्ती महाग्रन्थ)

अष्टादशोऽध्यायः । ८३
समस्थानं च विदितं येन युद्धे जयो भवेत् ।
घाताः षट्त्रिंशदुभयोस्तालाः पञ्च प्रकीर्तिताः ॥ १२ ॥
स्कन्धास्फोटनमन्योन्यं चरणयोः कर्पणं तथा ।
तथा विघातनं पश्चाद्भ्रामणं प्रेरणं तथा ॥ १३ ॥
घातनं चालनं चैव लागनं च परस्परम् ।
कक्षाघातस्य विद्याश्च प्राणघातस्तथैव च ॥ १४ ॥
द्वादशस्थानके चैव कथितं च प्रवेश(क)म् ।
अन्यैश्च विविधोपायैः संकल्पितविकल्पितैः ॥ १५ ॥
स्थानकं च शरीरोपि लागो भारस्तथैव च ।
अश्रुकस्य बुधैश्चैव धारणं रुथनं तथा ॥ १६ ॥
कार्येषु बलदा नित्यं मल्लानां च जयप्रदा ।
इत्युक्त्वं(क्त्वा) भगवान्कृष्णो योगमायामनुसरन् ॥ १७ ॥
ततो देवैः पुष्पवृष्टिनिर्मुक्ता हर्षसंयुतः ।
विप्रैर्जय जय शब्दैर्बलभद्रं च पातयत् ॥ १८ ॥
बलभद्रश्च कुपितो दुर्जयो बहु सङ्गरे ।
करिष्यामि तपो घोरं वने गत्वा विनिर्गतः ॥ १९ ॥
ततः सर्वेपि मल्लाश्च कृष्णश्च विनयान्वितः ।
बलभद्रमतिक्रुद्धं संबोधयितुमुद्यतः ॥ २० ॥
न त्वं जितो प्रलम्बेन मुष्टिकेन न सङ्गरे ।
मामेव मल्लविद्यायाः प्रभावः परमो हि सः ॥ २१ ॥
देवैर्दैत्यैर्मनुष्यैस्त्वमजेयो रिपुसङ्गरे ।
माहेश्वरी वैष्णवी च ब्राह्मी शक्तिर्विनिर्मिता ॥ २२ ॥
ततो मल्लैश्च कृष्णेन सामवाक्यैः सुसान्वितः ।
बलभद्रो रङ्गभूमौ समानीय प्रवेशितः ॥ २३ ॥