ललिता सहस्रनाम: सौभाग्यभास्कर भाष्य (भास्करराय मखी प्रणीत मूर्धन्य शाक्त भाष्य)

उपोद्घातः । ९
असौ स्वामी कत्यः किंवांगीय इत्यादि निश्चेतुं न शक्यते, परं चिरकालान्मठं संपाद्य
छात्रानद्वैतवेदान्तरहस्यं श्रावयन् यतिधर्ममर्यादां यथावत्परिपालयन् अवशिष्टका-
लमात्मानात्मविचारेण निरतिशयानन्दनिमग्नो भागीरथीतीरेऽवात्सीत् । अयं पूर्वाश्रमे
चिरकालावधि निःसीमभक्तिभरेण श्रीभगवतीमारिराध । ततो देवीसाक्षात्कार एवास्य
बभूव कुङ्कुमानन्दस्वामीति नामविधाननिदानम् । यत्कारणं तस्मादेवाश्रमात्प्रभृति यदङ्गे-
ष्वसकृदुद्धूलितापि विभूतिः कुङ्कुमीभूय परिणमतीति । तदास्तां विषयान्तरविस्तारेण ।
प्रकृतमनुसरामः—
नारायणभट्टप्रभृतयो महामहिमभाजस्तदानींतना विद्वदग्रेसराः सर्वेऽपि भास्करराय-
प्रतीकारैकमनसः सन्तः कुङ्कुमानन्दस्वामिमठाभ्याशं गत्वा यतिवरं तं साञ्जलिबन्धं
यथायथं प्रणम