काशिका वृत्ति (आचार्य वामन एवं जयादित्य - अष्टाध्यायी सूत्र-वृत्ति सम्पूर्ण सान्वय सटीक)

५६० ॥ काशिका ॥ ६ ॥ १ ॥
उदके ऽकेवले ॥ ९६ ॥
अकेवलं मिश्रं तद्वाचिनि समासे उदकशब्दउत्तरपदे पूर्वपदमन्तोदात्तं
भवति । गुडमिश्रमुदकम् । गुडोदकम् । तिलोदकम् * । स्वरे कृते एकादेशः
स्वरितो वानुदात्ते पदादाविति पक्षे स्वरितो भवति । अकेवलइति किम् ।
शीतोदकम् । उष्णोदकम् ॥
द्विगौ क्रतौ ॥ ९७ ॥
द्विगावुत्तरपदे क्रतुवाचिनि समासे पूर्वपदमन्तोदात्तं भवति । गार्गित्रि-
रात्रः । चारकत्रिरात्रः । कुसुरविन्दसप्तरात्रः । गर्गाणां त्रिरात्रः, गार्गित्रिरात्रः ।
द्विगाविति किम् । अतिरात्रः । प्रादिसमासश्चायमन्तोदात्तः । क्रताविति किम् ।
बिल्वसप्तरात्रः । बिल्वशताय बिल्वहोमाय वा सप्तरात्रो, बिल्वसप्तरात्रः ॥
सभायां नपुंसके ॥ ९८ ॥
सभाशब्दउत्तरपदे नपुंसकलिङ्गे समासे पूर्वपदमन्तोदात्तं भवति । गोपा-
लसभम् । पशुपालसभम् । स्त्रीसभम् । दासीसभम् । सभायामिति किम् ।
ब्राह्मणसभम् । नपुंसकमिति किम् । राजसभा । ब्राह्मणसभा । सभायां प्रति-
पदोक्तमिह नपुंसकलिङ्गं गृह्यतइति रमणीयसभं ब्राह्मणकुलमित्यत्र न भवति ॥
पुरे प्राचाम् ॥ ९९ ॥
पुरशब्दउत्तरपदे प्राचां देशे पूर्वपदमन्तोदात्तं भवति ।