कामकलाविलास (पुण्यानन्दनाथ - श्रीविद्या तत्त्व-विमर्श एवं चिद्वल्ली टीका सहित)

श्रीमत्पुण्यानन्दाचार्यविरचितः ३९
तद्देहावयवानां
परिणतिरावरणदेवताः सर्वाः ॥ ३६ ॥
आसीना बिन्दुमये
चक्रे सा त्रिपुरसुन्दरी देवी ।
कामेश्वराङ्कनिलया
कलया चन्द्रस्य कल्पितोत्तंसा ॥३७॥
पाशाङ्कुशेशुचाप-
प्रसूनशरपञ्चकाञ्चितस्वकरा ।
बालारुणारुणाङ्गी
शशिभानुकृशानुलोचनत्रितया ॥ ३८ ॥
सेयम् अपरिच्छिन्नानन्ततेजोराशिमयी परा सर्वोत्कृष्टा
अनन्तकोटियोगिनीवृन्दसमाराधितनित्यनिरवधिकातिशया-
नन्दमयात्मसाम्राज्यसंपदभिमानशालिनी चक्राकारेण
‘चक्रं नवात्मकमिदं नवधा भिन्नमञ्चकम् ।’
इति बैन्दवादित्रैलोक्यमोहनान्तचक्रनवकात्मना,