कबीर सागर (11 भाग संपूर्ण)

बोधसागर

( ११ )

हम मांगे कछु देव न भाई । जाऊ पुरुष लगि वेगि सिधाई ॥
कल कूर्मते युद्ध निर्मयऊ । छीन माथा तीन पुनि लयऊ ॥
लेकर माथै सुन्यमें आवा । कैल सुरति घट मोह समावा ॥
तीनों माथे भक्ति तब लीन्हा । तबसे अक्षर पुरुष डर कीन्हा ॥
मनमें तब अभिमान समाई । तब कर जोरिके सेवा लाई ॥
सोला चौकड़ा तब चलिआई । तब लगि निरंजन सेवा लाई ॥
अक्षरपुरुष जो कीन्ह विचारा । तिन्हको समरथ वचन उचारा ॥
विदेह बानि तब अक्षर पाई । सो बानीते कन्या भइ भाई ॥
ताको बहुत सिखावन दीन्हा । अष्टांगी तिन कन्या कीन्हा ॥
पुत्रि निरंजन लागि सिधाई । तुमको समरथ सदा सहाई ॥
तब कन्या निरंजन लगि आई । एक पाँव पर सेवा लाई ॥

साखी—कहै कबीर

देखे पलक उधारिके, कन्या आगे ठाढ़ि ।
उपज्यो मोहऽरुप्रेम, तब विप्रीत मनमें बाढ़ि ॥

चौपाई

पलक उधारि कैल तब देखा । अपने मनमें कीन्ह विवेका ॥
कहै कबीर सुनो तुम बानी । मोहिकारनपुरुषतोहिउतपानी ॥
हम तुम कीजे सृष्टि पसारा । तीनहि लोक सकल महि भारा ॥
तब अष्टांगी कैलसों कहाई । मोहि तोहि नाहीं होय सगाई ॥
मैं तोरि बहिनी तू मोरा भाई । सो अनरीती सब दीन चलाई ॥
कहैं कैल सुनो आदि भवानी । हमरे वचन तुम काहै न मानी ॥
जो तुम कहा हमारा मानौ । तौ तुम उत्पति निर्णय ठानौ ॥
तब अष्टांगी कहै बुझाई । बिन आज्ञा तोहि पुरुष रिसाई ॥
बिन आज्ञा कूरम सिर छीना । ताते पुरुष अन्त करि दीना ॥