बृहत्संहिता: प्रथम भाग (आचार्य वराहमिहिर - विमला हिन्दी व्याख्या, पं. अच्युतानन्द झा)

तथा च काश्यपः—
सर्वग्रहेभ्यः शीघ्रेन्दुस्ततस्तस्यैव चात्मजः।
भार्गवो रविभौमौ च जीवो मन्दः शनैश्वरः।।
शीघ्रगा मन्दगाश्चैते काले त्वेकर्शगामिनः।
ततो योगो भवेदेषां यतोंऽशत्वैकमाश्रिताः।।
उपर्युपरिसंस्थास्ते दृश्यन्ते युगपत् स्थिताः।
भेदोल्लेखांशुमर्दाश्चापसव्यश्च तथापरः।।
चतुष्प्रकारः संयोगो युद्धे तु दिविचारिणाम्।। इति।
एवमन्योन्यापेक्षयाऽपसव्यमुच्यते।।२-३।।
अथ चतुष्प्रकारस्य युद्धस्य प्रत्येकं फलमाह—
भेदे वृष्टिविनाशो भेदः सुहृदां महाकुलानां च।
उल्लेखे शस्त्रभयं मन्त्रिविरोधः प्रियान्नत्वम् ।।४।।
अंशुविरोधे युद्धानि भूभृतां शस्त्ररुक्क्षुदवमर्दाः।
युद्धे चाप्यपसव्ये भवन्ति युद्धानि भूपानाम् ।।५।।
[