भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 68, कुल 423 में से
संदर्भ में पढ़ेंपृष्ठ 68
- ५४ -
रासलीलापरौ नित्यं परं ब्रह्म सनातनम् ।
सहजानन्दिनीं रामं कामं वन्देतरामहम् ॥ २ ॥
नमो लीलारसानन्दरूपिण्यै नित्यरूपिण्यै ।
माधुर्य्यरसमाधुर्य्यरूपायै पररूपायै ॥ ३ ॥
लीला रूपं गुणाः स्थानं चरित्र नाम धाम च ।
मायासंयोगराहित्यात् सर्वमप्राकृतं तव ॥ ४ ॥
औत्पतिकः स्वभावोऽयं वस्तुतः खलु वास्तव. ।
यत्स्वयं निर्गुणं नाम तादृग्लीलारसात्मकम् ॥ ५ ॥
विभावैरनुभावैश्च तथा संचारिभिः सह ।
रसो वै स इति प्राह सर्वशास्त्रप्रमा श्रुतिः ॥ ६ ॥
अद्यापि विधि शर्वाद्यास्त्वद्रूपंदैवतोत्तमाः ।
केदं कुतः क केनेति सगुणा नैव जानते ॥ ७ ॥
अनुभूतिः स्मृतिश्चैव त्वमेव सकलोत्तमे ।
प्रमाविपर्ययश्चैव विकल्पो निद्रया सह ॥ ८ ॥
विश्वसर्गविसर्गादौ त्वमेवाखिलरूपिणी ।
वैषम्यं चापि नैर्घृण्यं त्वयि तन्नोपपद्यते ॥ ९ ॥
सामरस्यमानन्दरसो युवयोः समुपास्यते ।
सामन्तैर्ब्रह्मशक्राद्यैर्विष्टपाधारभूतये ॥ १० ॥
ज्ञानं यत्तद्विशुद्धात्मविषयं प्राकृतेतरम् ।
उपचारक्रमेणैव त्वद्रूपमवलम्बते ॥ ११ ॥
माध्व्यास्ताः शुभा वाचो विस्मयं किमु तन्वते ।
तवैव प्रेरणामात्रान्मनसि प्रकटीकृताः ॥ १२ ॥
स्तुतिश्चेदन्यविषया गुणानामवलम्बिनी ।
तदप्यसौ त्वद्विषया निर्गुणैव भवेत्तमाम् ॥ १३ ॥
गुणातीते नित्यपदे सच्चिदानन्दरूपिणी ।
रमसे त्वं नित्याकारे स्वेनैव सहजाभिधा ॥ १४ ॥
निजलीलारसानन्दानुभवार्थं विरहिणौ(विहारिणो:?)।
द्वन्द्वो वां नित्यकैवल्यं सहजेति त्वमीश्यतः ॥ १५ ॥
प्रपञ्चोऽपि भवन्निष्ठो नित्यनिष्केवलात्मकः ।
न संसार इवाभाति जीवनिष्ठो हि संस्मृतः ॥ १६ ॥
कदाचिदात्मनिरतौ युवयोः सहजात्मनोः ।
लीयते स प्रपञ्चोऽपि नामरूपचिदात्मकः ॥ १७ ॥