भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 295, कुल 423 में से
संदर्भ में पढ़ेंपृष्ठ 295
- २८२ -
एते त्वयैवाधिकृताः सुरेश्वरा व्यर्थाधिकारा अभवन् समस्ताः ।
सर्वं जगद् राम त्वयाभिपाल्यमानं सुखाम्भोनिधिमग्नमस्ति ॥ २८ ॥
नित्योत्सवो नित्यमहोदयश्च नित्यं शुभं नित्यसुखं गृहे गृहे ।
राज्यं भवे कुर्वति राघवेन्द्र त्वयि गृहाः सर्वसुखाय चाभवन् ॥ २९ ॥
एवं कृत्वा जगत्सर्वं मङ्गलायतनं प्रभो ।
अभ्युपेहि परं दिव्यं स्वंधाम त्रिगुणातिगम् ॥ ३० ॥
न यत्र वाङ् नैव मनःप्रसारो न कालमायादिगुणप्रवेशः ।
तदेव ते धाम प्रमुद्धनं हि लीलालयं दिव्यदिव्यं परात्परम् ॥ ३१ ॥
नित्यरासविलासाय सरयूपुलिनस्थितम् ।
ब्रह्मशक्रादयो देवा ईक्षन्ते बहुभाग्यतः ॥ ३२ ॥
इति विज्ञापितो नाथ ब्रह्मणा लोकभर्त्तृणा ।
तन्निशम्य यथा स्वेच्छं क्रियतां कोविदेश्वर ॥ ३३ ॥
इति श्रीमदादिरामायणे ब्रह्मभुशुण्डसंवादे उत्तरखण्डे कालदमनोपाख्याने
तृतीयोऽध्यायः ॥ ३ ॥
🞽
चतुर्थोऽध्यायः
श्रीराम उवाच
एवमेतत्त्वया काल यथोक्तं ब्रह्मणो वचः ।
सम्पादितं मया कार्यं देवानां च तथा नृणाम् ॥ १ ॥
नाधुना मम कर्त्तव्यं त्रिषु लोकेषु विद्यते ।
उज्जासिता यद्रिपवो महान्तो राक्षसाधिपाः ॥ २ ॥
तथापि ब्रह्मणो वाच्यं त्वया मद्वचनादिदम् ।
कालमायातिगां लीलां कथं तौ वर्जयिष्यतः ॥ ३ ॥
किं चतुर्दश लक्ष्याणि किमायुर्ब्रह्मणोऽपि च ।
किं कल्पाः कोटिकल्पाश्च पुरुषश्चायुरेव च ॥ ४ ॥
किं कार्त्स्न्य च माहात्म्यं किं कालकलनापि च ।
न मे भवेत्परिच्छेदो ब्रह्मकल्पशतैरपि ॥ ५ ॥
कथं त्वया ज्ञातमिदं विरञ्चे चतुर्दश प्रययुर्वर्षपूगाः ।
भवादृशाः कोटिविरञ्चयोगता विक्रीडतो मे सहजं प्रमुद्धने ॥ ६ ॥