भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 296, कुल 423 में से
संदर्भ में पढ़ेंपृष्ठ 296
- २८३ -
वर्षाण्यतीतानि चतुर्दशेति त्वयोदितं नोभयथापि संगतम् ।
निमेषमात्रं मम तु प्रयातं स्वच्छन्दलीलस्य सलक्ष्मणस्य ॥ ७ ॥
निजवर्षप्रमाणेन न मे वर्षाणि वै विधे ।
नाहं पर्यनुयोगाहंस्तव वान्यस्य कस्यचित् ॥ ८ ॥
इति वक्तव्यमसकृद्ब्रह्मणे मूढबुद्धये ।
उक्त्वा च पुनरागच्छ मन्त्रः कार्यस्त्वया सह ॥ ९ ॥
तथेत्युक्त्वा विभु भक्त्या प्रणम्य च मुहुर्मुहुः ।
ब्रह्मलोकेऽगमत्कालः साष्टाङ्गं च प्रणम्य तम् ।
उवाच तत्समस्तं यत् प्रभूराह रघूद्वहः ॥ १० ॥
ब्रह्मोवाच
एवमेव स वै नाथः कालमायागुणेश्वरः ।
स्वच्छन्दलीलः स्वच्छन्दः सच्चिदानन्दविग्रहः ॥ ११ ॥
श्रीमान् सहजशोभाढ्यो गुणी च गुणनायकः ।
कस्तं निरोद्धुं प्रभवेद्भगवन्तं सनातनम् ॥ १२ ॥
स्वयं लक्ष्मीपतिं वीरं स्वयं सर्वशुभाकरम् ।
यथा तस्य प्रभोरिच्छा तथा कार्यं करोतु च ।
वयं सर्वे वशे तस्य न तस्येशश्च कश्चन ॥ १३ ॥
काल उवाच
मया प्रदर्शितं घोरं स्वरूपं कालमेधसे ।
साधारणं नरं ज्ञात्वा पुरुषं पुरुषोत्तमम् ॥ १४ ॥
तस्य रूपं च परमं मत्तोऽप्यतिभयानकम् ।
घोरघोरतरं दृष्ट्वा पलायनपरोऽभवम् ॥ १५ ॥
भयेन प्रस्खलत्पादः प्रस्खलन्मूर्द्धजावलिः ।
पदे पदे कम्पमानो नाहं धैर्यधरोऽभवम् ॥ १६ ॥
ततः सौम्यं वपुः कृत्वा गतोऽहं प्रभु संनिधौ ।
गृहीत्वा तस्य पादौ तु तूष्णीमास भयानतः ॥ १७ ॥
ततोऽतिकृपया पूर्णः प्रभुर्मा स ददर्श ह ।
कृपया मां स विज्ञाप्यं त्वदुक्तं च न्यवेदयम् ॥ १८ ॥
तच्छ्रुत्वा भगवान् राम इदमूचे कृपानिधिः ।
न मे लीला परिच्छेद्या ब्रह्मणा च त्वयापि च ॥ १९ ॥
ब्रह्मोवाच
महान्विनयो जातो यद् रामस्य विभीषिकाम् ।
कर्तुं प्रदर्शयामास स्वस्वरूपं भवान् प्रभोः ॥ २० ॥