भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 180, कुल 423 में से
संदर्भ में पढ़ेंपृष्ठ 180
- १६६ -
चतुष्पञ्चाशत्तमोऽध्यायः
जनक उवाच
कोऽयं सुखितना मास्तिमहाभागो महोन्नतः ।
यद्गृहे भगवान् रामः पूर्णः श्रीपुरुषोत्तमः ।
नित्यं विहरति स्वच्छैर्विलासैर्बुद्धयगोचरैः ॥ १ ॥
का च माङ्गल्यका देवी महोदारा मनस्विनी ।
यदगर्भरत्नमभवद्रामो राजीवलोचनः ॥ २ ॥
श्रीशुक उवाच
तावेतस्यैव पितरौ परब्रह्मस्वरूपिणः ।
ययोर्गृहे करोत्येष रसलीलामयीं क्रियाम् ॥ ३ ॥
अन्यावेतस्य पितरौ १कौसल्यादशरथाभिधौ ।
यश मर्यादामालम्ब्य भवत्येष सुखप्रदः ॥ ४ ॥
एतौ त्वमर्यादरसलीलासुखरसेशितुः ।
पितरौ खलु गोपालौ माङ्गल्यासुखिताभिधौ ॥ ५ ॥
कर्दमो देवहूतिश्च पुरा कल्पे बभूवतुः ।
ययोः कपिलरूपेण साक्षाद्विष्णुरवातरत् ॥ ६ ॥
योगाचार्येण तेनैतौपरां सिद्धिमवापितौ ।
विरजापरपारस्थौ परब्रह्मारसस्पृशौ ॥ ७ ॥
मुक्तौ लीलातनुं धृत्वा पितृभावेन भावितौ ।
जुषेते परमं सौख्यं माङ्गल्यासुखिताभिधौ ॥ ८ ॥
तत्रैतयोः कदाचित्स स्वं रूपं मङ्गलालयम् ।
प्रभुर्दर्शितवान् रामो निजलोकप्रतिष्ठयोः ॥ ९ ॥
प्रमोदवनमध्यस्थं नीलनीरदविग्रहम् ।
द्विभुजं चरणाम्भोजरणन्नूपुरमण्डितम् ॥ १० ॥
मुखचन्द्रपरिभ्राजदलकावलिवेष्टितम् ।
बिम्बोष्ठं चारुनयनं मञ्जुलं बालकेलिभिः ॥ ११ ॥
रूपमत्यद्भुतं दृष्ट्वा दम्पती तौ सलालसौ ।
बभूवतुरतीवास्य स्वपुत्रत्वाय कर्हिचित् ॥ १२ ॥
तदा सोऽन्तर्हितो भूत्वा व्योमवाण्या जगाद ह ।
ज्ञातो वां मयका तावद् दुर्घटोऽसौ मनोरथः ॥ १३ ॥
१. पादेऽस्मिन्नक्षराधिक्यमार्षः ।