भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 179, कुल 423 में से
संदर्भ में पढ़ेंपृष्ठ 179
- १६५ -
तस्य पत्नी सदादीक्षा तदाहितमनोगतिः ।
कौसल्या श्रीमती ज्येष्ठा केकयी तदनन्तरम् ॥ १० ॥
सुमित्रा च ततः पश्चात्तिम्रोऽप्यस्यातिसौख्यदाः ।
तस्य पुत्रः स्वयं रामः श्रीमांश्चन्द्राननस्तु यः१ ॥ ११ ॥
एष एव स्वलीलाभिमर्यादापुरुषोत्तमः ।
अनुकूलः सदा सीतास्वाधीनपतिकारतः ॥ १२ ॥
अनन्यप्रेयसीकान्तः श्रुतिधर्मपथेश्वरः ।
प्रमोदवनवासी तु परमः पुरुषोत्तमः ॥ १३ ॥
विशुद्धप्रेमभक्त्यैकप्राप्यरूपो महाप्रभुः ।
सर्वोत्तमः सदा सेव्यो हृदि भावैकवेदिभिः ॥ १४ ॥
यस्य लीला रसमयी सर्वात्माभावभूषिता ।
ब्रह्मधर्मस्य मर्यादा सर्वा यत्र विवर्जिताः ॥ १५ ॥
निःसाधनपथस्थानां पराविर्भावकारणम् ।
प्रमोदवनमात्रैकविश्रान्तसुखवारिधिः ॥ १६ ॥
प्रमोदवनसामग्री प्रेमभक्तिमयी सदा ।
सहजानन्दिनी तत्र मोदिनी चापि विश्रुता ॥ १७ ॥
आह्लादिनी परा शक्तिः सर्वलीलाधिदेवता ।
अनेककोटिलक्ष्मीनामंशिती परदेवता ॥ १८ ॥
परलक्ष्मीः परब्रह्मरूपिणी परमेश्वरी ।
स एतया सुसम्पन्नः प्रमोदवनचन्द्रमाः ॥ १९ ॥
क्रीडति क्रीडनैर्दिव्यैः परमानन्दसिन्धुभिः ।
वासन्तैः शारदैश्चैव तथान्यै ऋतुरञ्जितैः ॥ २० ॥
सुखितस्य गृहे साक्षात्कल्याणगुणमण्डितः ।
माङ्गल्यायाः सुतः श्रीमान् ज्ञानिनामप्यगोचरः ।
कुतस्तरां कर्मजुषां भक्त्यैकसुलभः प्रभुः ॥ २१ ॥
इति श्रीमदादिरामायणे ब्रह्मभुशुण्डसंवादे पश्चिमखण्डे भरतलक्ष्मणीये
सीताजन्मोत्सवे श्रीशुकजनकसंवादे त्रिपञ्चाशत्तमोऽध्यायः ॥ ५३ ॥
✤
१. खण्डितं - बड़ौ० ।