भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)

– १५८ –
पादाब्जपतितौ तौ तु समुत्थाप्य रमापतिः।
उवाच वचनं स्मित्वा भक्तिभाव प्रतोषतः ॥ २७ ॥
श्रीभगवानुवाच
अस्तिन्नेव स्वरूपे मे युवामासक्तमानसौ।
भवान्तरेप्यदः साक्षाल्लप्स्येथे सुमनोरथौ ॥ २८ ॥
भवान् दशरथो नाम राजा लोके भविष्यति।
सूर्यवंशे रघोर्वंशे परमोदारमानसः ॥ २९ ॥
इयं देवी तु कौसल्या तस्य भार्या भविष्यति।
सीतारामौ परात्परौ तत्रावां दम्पती खलु ॥ ३० ॥
दर्शयिष्यावहे श्रीमद्विग्रह द्विभुजात्मकम्।
अन्यत्सर्वसमं तत्र विद्युन्मेघसमाकृती ॥ ३१ ॥
कद्रूश्च विनता चैव तत्र त्वामुपयास्यतः।
एका तु केक्यी भूत्वा सुमित्राख्या परा वधूः ॥ ३२ ॥
इत्युक्त्वान्तर्दधे देवो रमया सह राघवः।
जन्मान्तरे भावि सर्वं ससूच्य करुणानिधिः ॥ ३३ ॥
एतत्ते कारणं प्रोक्तं यथा दशरथस्य तौ।
दर्शनं ददतुः प्रीत्या सीतारामौ परौ निजम् ॥ ३४ ॥
यस्य भक्तस्य यः कामस्तस्य तं चेन्न पूरयेत्।
न्यूनतैव भवेत्पूर्णे साक्षाच्छ्रीपुरुषोत्तमे ॥ ३५ ॥
एतद्धि तद्दर्शनमत्र दुर्लभं सीतायुतस्य श्रीराघवस्य यत्।
तादृग्विद्यां भक्तिमृतेभवान्तरे प्रेमात्मिकां वैधविधानमिश्रिताम् ॥ ३६ ॥
तावन्मात्रां दृशिं दत्त्वा यावद्वाञ्छास्य संस्थिता।
ततोऽन्तर्द्धिमगात्तूर्णं रमया सह राघवः ॥ ३७ ॥
अद्य जातशिशुर्भूत्वा प्रादुरासीत्तदग्रतः।
देवदेवो नटवरो रामचन्द्र उदारधीः ॥ ३८ ॥
वात्सल्यविभ्रमाविष्टो राजा दशरथस्ततः।
सद्यो विस्मृतवाथैश्यं तस्य देवस्य शार्ङ्गिणः ॥ ३९ ॥
महान्तमुत्सवं चक्रे जाते पुत्रे तु तादृशे।
नोलरत्नवरश्यामे पुण्डरीकनिभेक्षणे ॥ ४० ॥
उत्सवो वां समानोऽभूद्यथा पुत्र्यास्तव प्रभो।
तथा पुत्रस्य जनने काकुत्स्थस्य महोत्सवः ॥ ४१ ॥