भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 169, कुल 423 में से
संदर्भ में पढ़ेंपृष्ठ 169
- १५५ -
स्त्र्युवाच
अहं पद्मगिरेः पुत्री सरयूर्नामतः प्रिय ।
चिराय त्वां कामयन्ती ध्रुवं प्राप्तास्मि सम्प्रति ॥ ५६ ॥
कञ्चित्स्मरसि मां नाथ पूर्वजन्मनि संगताम् ।
अरुन्धत्या समुत्पन्नां वसिष्ठान्मुनिपुङ्गवात् ॥ ५७ ॥
ब्रह्मपुत्रीति मात्याक्षीस्तदा कामेन संयुताम् ।
अधुना तु प्रपन्नां मा स्वाश्रयामुरीकुरु ॥ ५८ ॥
श्रीराम उवाच
स्मरामि त्वां पूर्वभवे संगतां मम काङ्क्षया ।
ब्रह्मपुत्रीति संत्यक्तामधुना तु मदाशयाम् ॥ ५९ ॥
प्राप्तामुरीकरिष्यामि त्वामहं पद्मशैलजे ।
प्रमोदवनमध्ये तु सुखितस्यालये शुभे ॥ ६० ॥
आदिव्रजे सदानन्दे विहरन्तं महोत्सवैः ।
गोपीरासविलासाद्यैस्तत्र त्वं मामुपैष्यसि ॥ ६१ ॥
स्मरक्रीडारसे मग्नो विहरिष्यामहं त्वया ।
त्वत्कामं पूरयिष्यामि यथान्यासां मृगीदृशाम् ॥ ६२ ॥
रासमण्डलमध्ये तु गोपीनां प्रेमलीलया ।
वशीकृतस्ते साक्षात्त्वं गमिष्यामि मृगेक्षणे ॥ ६३ ॥
व्रजप्रेमोचिता त्वं हि तत्र मां समुपैष्यसि ।
जाम्बूनदमयीं मालां मम कण्ठेऽर्पय प्रिये ॥ ६४ ॥
इति निशम्य रमा रमणस्य सा वचनमर्थवदर्थविशारदा ।
रसवती सरयूः ससुखं न्यधात् प्रियगले मणिहेममयीं स्रजम् ॥ ६५ ॥
स गान्धर्वविधानेन रमणीमुद्ववोढ ताम् ।
ततो रतिं तया सार्द्धं प्रावर्तयदुदारधीः ॥ ६६ ॥
इत्थं सा रमणी तस्य व्रजप्रेमानुशालिनी ।
प्रमोदविपिने नित्यं लीलारसमवर्द्धयत् ॥ ६७ ॥
इति श्रीमदादिरामायणे ब्रह्मभुशुण्डसंवादे पश्चिमखण्डे सीताजन्मनि
सरयूसम्भवो नामैकोनपञ्चाशत्तमोऽध्यायः ॥ ४६ ॥