भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 165, कुल 423 में से
संदर्भ में पढ़ेंपृष्ठ 165
- १५१ -
अनर्थकमिमं देहम् तपोऽर्थे विनियोजय ।
तेन पुण्यप्रभावेण मामेष्यसि भवान्तरे ॥ ५५ ॥
इति श्रुत्वा प्रभोर्वाक्यं सातप्यत् परमं तपः ।
जितेन्द्रिया निराहारा प्रेमानलविशोषिता ॥ ५६ ॥
योगानलेन तं दग्ध्वा पञ्चभूतात्मकं वपुः ।
ततः पद्मागिरेर्भार्यां जन्मसम्प्राप सा वरम् ॥ ५७ ॥
इति श्रीमदादिरामायणे ब्रह्मभुशुण्डसंवादे पश्चिमखण्डे सीताजन्मनि
सरयूसम्भवेऽष्टचत्वारिंशोऽध्यायः ॥ ४८ ॥
✤
एकोनपञ्चाशत्तमोऽध्यायः
श्रीशुक उवाच
तस्यां संजातमात्रा सा दिव्यदेहविभूषिता ।
शुक्ले पक्षे चन्द्रिकेव व्यवर्धत दिने दिने ॥ १ ॥
तस्या रूपं सुसंजातं मनोहारि हरेरपि ।
लक्ष्मीपयोधराश्लेषपरमानन्दनिर्वृतेः ॥ २ ॥
चरणौ जघने चैव मध्यनाभिस्थलोदरम् ।
त्रिवली रोमराजिश्च वक्षोजौ कण्ठमाननम् ॥ ३ ॥
नासिके लोचने कर्णौ भालं मूर्द्धा कचोत्कराः ।
एकमेकं वपुस्तस्य दृष्टमन्यदिवाजनि ॥ ४ ॥
यौवनाख्यमहाशिल्पसम्पादितसुमंजिम ।
क्वचिद्रक्तं क्वचिच्छ्यामं क्वचिच्छ्वेतं क्वचिच्छिति ॥ ५ ॥
क्वचिद्गौरं वपुस्तस्या भृतं रंगकृतेव तत् ।
अणिमा लघिमा चैव महिमा गरिमा तथा ॥ ६ ॥
प्राप्तिः प्राकाम्यमीशित्वं वशित्वं चापि तत्त नौ ।
अणिमा मध्यदेशेश्यात्तल्लघिमा पुष्पवत्तनौ ॥ ७ ॥
महिमा दृश्यते तस्याः सततं दृङ्नतम्बगः ।
गरिमा कुचयोः प्राप्तिर्देवानामपि दुर्लभा ॥ ८ ॥
प्राकाम्यमीशता चास्यास्तनावुज्जृम्भते पृथक् ।
वशित्वं दृष्टिमात्रेण यूनां वश्यत्वकारणात् ॥ ९ ॥