भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 164, कुल 423 में से
संदर्भ में पढ़ेंपृष्ठ 164
- १५० -
सोमशर्मा भृगोर्वंश्यो ज्ञानवैराग्यभूषितः ।
तौ दम्पती वीतरागौचक्रमाते न च प्रजाम् ॥ ४२ ॥
तपसा सोमशर्मा तु त्यक्त्वा तद्भौतिकं वपुः ।
ज्ञानेन मुक्तिपदवीमियाय मुनिपुङ्गवः ॥ ४३ ॥
सा तु प्रमोदविपिने रामस्य मुरलीध्वनिम् ।
आरादाकर्ण्य सहसा मोहिताभूत् स्मरातुरा ॥ ४४ ॥
रासकेलिं समालोक्य नितान्तं विहरद्वने ।
ततः कदाचिद्विपिने क्रीडन्तं रघुपूङ्गवम् ॥ ४५ ॥
एकान्ततः समालोक्य जलान्तादुदतिष्ठत ।
दिव्यवेषधरा भूत्वायोषिद्रतिमनेाहरा ॥
उवाच पुरतो रामं कोटिमन्मथमॊहनम् ॥ ४६ ॥
स्त्र्युवाच
वृणीष्व मां रसिकेन्द्र प्रेम्णासक्ता चिरात्त्वयि ।
अमुना तव रूपेण मोहिताहं वशीकृता ॥ ४७ ॥
श्रीराम उवाच
कासि त्वमम्भोजदलायताक्षि मनोहरापाङ्गि मनोज्ञरूपा ।
किं कामरामास्युत देववामा किं वा रमा सर्वगुणाभिरामा ॥ ४८ ॥
स्त्र्युवाच
भृगोः कुले सोमशर्माद्विजेन्द्रो यस्याङ्गनाहं तपसि स्थितस्य ।
वसिष्ठपुत्री विषयेभ्यो निवृत्ता वशीकृता ते मुरलीनिनादैः ॥ ४९ ॥
त्वं कोऽपि पूर्णः पुरुषः पुराणः स्वकेलिभिर्मोहितसर्वलोकः ।
जाने त्वदासक्तिवतां जनानां न विद्यतेऽसौ गुणसम्प्रवाहः ॥ ५० ॥
यं योगिनश्चेतसि चिन्तयन्ति समाधिवश्येऽखिलवृत्तिरिक्ते ।
स त्वं प्रभो राम परोऽसि पूरुषस्तथापि रत्या किल कामये त्वाम् ॥ ५१ ॥
अङ्गीकुरुष्वैव ततः शरण्य स्मरार्दितां मामनुभूतभोगाम् ।
नो चेद्वियोगज्वलनज्वालया ते दन्दह्यमाना परिमोक्ष्यामि वष्मं ॥ ५२ ॥
श्रीराम उवाच
अहं राजन्यतनयस्त्वं ब्राह्मणसुता भृशम् ।
कथमङ्गीक्रिये स त्वां विरुद्धं लोकवेदयोः ॥ ५३ ॥
भवान्तरे भविष्यामि तवाभीष्टार्थसिद्धये ।