सामग्री पर जाएँ
सर्वकोश
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)

भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)

Bhusundi Ramayana: Purva Khanda with Commentary

महर्षि भुशुण्डि (सम्पादक: डॉ. भगवतीप्रसाद सिंह) द्वारा

DevanagariHindipublished423 पृष्ठ

पृष्ठ 163, कुल 423 में से

संदर्भ में पढ़ें
पृष्ठ 163
  • १४९ -
    ब्रह्मपुत्रीं हि मन्वानो रामो न त्वां वरिष्यति ।
    उत्तराचलवर्यस्य नाम्ना पद्मगिरेस्ततः ॥ २९ ॥
    कन्यात्वं प्राप्य भावेन रामेन्दुं वरयिष्यसि ।
    शारदीषु मनोज्ञासु रात्रिषु स्मरमोहिता ॥ ३० ॥
    रामेण रमणं प्राप्य कृतार्थत्वमुपैष्यसि ।
    नित्यरासविलासस्था महाभावैकभाजनम् ॥ ३१ ॥
    रसिकेन्द्रं रामचन्द्रं सीतावद्रमयिष्यसि ।
    एवं दुर्वाससः शापस्तव लोकस्य चेष्टदः ।
    नानुतापाय कञ्चित्ते तस्मात्किमनुशोचसि ॥ ३२ ॥
    श्रीशुक उवाच
    इति श्रुत्वा तु सरयूः पितामहवचः शुभम् ।
    अन्तरानन्दजलधौ ममज्ज विगतज्वरा ॥ ३३ ॥
    ततो वशिष्ठस्यगृहे नियोगात्प्रजापतेः सावततार देवी ।
    अरुन्धतीगर्भजदिव्यरत्न बभूव माङ्गल्यकरीह लोके ॥ ३४ ॥
    जनक उवाच
    पूर्वंभवोत्तराद्रेः सा कन्यात्वं नागता कथम् ।
    एक१जन्मनि सम्प्राप्ता व्यवधानं कुतो हि सा ॥ ३५ ॥
    तेनैव जनुषा ब्रह्मन् रामेन्दुं नामिलत्कुतः ।
    एतन्मे छिन्धि संदेहं सरयूसम्भवोद्भवम् ॥ ३६ ॥
    श्रीशुक उवाच
    उक्तमेतत्पुरा राजन् यथा वैवस्वतो मनुः ।
    पौरोहित्ये वसिष्ठस्य तीर्थाय प्रार्थनां दधौ ॥ ३७ ॥
    ततस्तप्तं वसिष्ठेन दुश्चरं परमं तपः ।
    ततश्च सा वसिष्ठाय हिमाद्रौ दर्शनं ददौ ॥ ३८ ॥
    कन्याहं ते भविष्यामीत्युवाच सरितां वरा ।
    ततः कन्यात्वमापन्ना संतुष्टा तपसा मुनेः ॥ ३९ ॥
    श्रीमत्यां कुलभार्यायामरुन्धत्यामजीजनत् ।
    ततो वसिष्ठस्तां कन्यां गृहीत्वागान्मनोः पुरीम् ॥ ४० ॥
    पश्चात्प्रवाहरूपापि साभ्युपेता सुधोज्ज्वला ।
    सा कन्या मुनिना दत्ता ऋषये सोमशर्मणे ॥ ४१ ॥
    १. (अत्र X चिह्नंदत्त्वा "From this to x this mark up to page 208
    seems to be a द्विरुक्ति in the original copy) - बड़ौ० ।