भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 156, कुल 423 में से
संदर्भ में पढ़ेंपृष्ठ 156
- १४२ -
तस्मादिह स्वतपसा नदीमानेष्यसि प्रभो।
इत्युक्तस्तेन मनुना वसिष्ठो भगवान् मुनिः ॥ ९५ ॥
उवाच मनुशार्दूलं दिव्यदर्शी तपोनिधिः।
अहो ते मनुशार्दूल सम्यग्जातास्ति वै स्पृहा ॥ ९६ ॥
पुरा खलु विधेः सर्गे योग एष सनातनः।
अयोध्यासरयूनद्योर्विश्वालंकारभूतयोः ॥ ९७ ॥
अस्ति वै सरयूर्नाम सरित् त्रैलोक्यपावनी।
दर्शनाच्चैव यत्स्पर्शान्महामङ्गल्यशेवधिः ॥ ९८ ॥
रामप्रेमवशाद्भूमा पुरुषः स सहस्रदृक्।
सहस्रशोऽश्रु धाराभिः सुस्राव प्रेमजं जलम् ॥ ९९ ॥
ब्रह्मा विष्णुश्च रुद्रश्चत्रिदशश्च सवासवाः।
सुस्रुवुः प्रेमसलिलं रामप्रेमवशाः पृथक् ॥ १०० ॥
तत एषा समुद्भूता सरयूः सुरसा सरित्।
तीर्थाना कोट्यश्चास्यां विविशुः सहसोत्सुकाः ॥ १०१ ॥
गङ्गाद्याः सरितश्चास्यां विविशुः स्वस्वरूपतः।
मेधाद्या ब्रह्मविद्याश्च सावित्र्याद्याः श्रियस्तथा ॥ १०२ ॥
द्रवरूपं समास्थाय तस्यां विविशुरुत्सुकाः।
सा वै विरजया पश्चात्सुसंगम्य महोर्जया ॥ १०३ ॥
आस्तेऽधुना हिमगिरौ दिव्यरूपधरासरित्।
हिमाद्रेः पूर्वशिखरे कैलासगिरिनामनि ॥ १०४ ॥
विचरन्ती सिद्धवने सिद्धगन्धर्वपूजिता।
तामिहागमयिष्यामि सुधातोयां महानदीम् ॥ १०५ ॥
यावद्वर्षसहस्रं तु तपः कृत्वा सुदुष्करम्।
आराध्य श्रीरामं विभु तपसा खलु भूरिणा ॥ १०६ ॥
तं वै प्रसन्नं याचिष्ये सरयूं शीतलोदकाम्।
त्रिधासंतापहरणीं साक्षात्कामदुघां नृणाम् ॥ १०७ ॥
अथाय खलु सा नित्यं सूक्ष्मरूपेण संस्थिता।
रामवद्रामगङ्गापि तथाप्याविर्भविष्यति ॥ १०८ ॥
नित्यायोध्या सरयूश्चापि नित्या नित्या प्रमोदाटविरत्र भूयः।
नित्योऽयमादिव्रज ईशलीलास्थानं तथेशो नित्य एवात्र रामः ॥१०९ ॥
आविर्भावः क्रमेणैषां नित्यानामपि वस्तुतः।
अतोऽहमत्रनेष्यामि सरयूं लोकमङ्गलाम् ॥ ११० ॥