भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 150, कुल 423 में से
संदर्भ में पढ़ेंपृष्ठ 150
- १३६ -
पुराऽऽज्ञा मम संजाता देवदेवस्य वै हरेः ।
सदा मां भज भावेन प्रजाश्च विविधाः सृज ॥ ५ ॥
माया भगवतः सा वै ज्ञानिनां नैव बाधिका ।
कुतस्तरां तदीयानां भक्तानां तन्मयात्मनाम् ॥ ६ ॥
श्रीशुक उवाच
स्वपितुर्मतमाज्ञाय यथोक्तं हरिणा पुरा ।
प्रावर्तयत्प्रजासर्गं देवो वैवस्वतो मनुः ॥ ७ ॥
वीतशोको गतग्लानिर्गार्हस्थ्यधर्ममाश्रितः ।
मनो निवेश्य परमे ब्रह्मणि क्षतसंशयः ॥ ८ ॥
यज्ञानुष्ठानपरमो ज्ञानवान् भक्तिसंश्रितः ।
तपस्वी विजितस्वान्तः प्रजासर्गमचीकरत् ॥ ९ ॥
तमागत्याब्रवीद्वेधा राज्यसंस्थानमद्भुतम् ।
क्षात्रवंशसमुत्पत्तिं राजधर्मं च भूरिशः ॥ १० ॥
ब्रह्मोवाच
वैवस्वत मनुश्रेष्ठ धन्योऽसि त्वं जगत्प्रभुः ।
दिष्ट्या ते विगता ग्लानिः पितुरेव निदेशतः ॥ ११ ॥
पिता ते भगवान् साक्षादादिदेवस्त्रयीमयः ।
विवस्वान् रविरादित्यस्तपत्येष सदैव यः ॥ १२ ॥
मण्डलेऽर्चिषि चात्मन्युद्भासते सततं प्रभुः ।
सामर्ग्यजुःस्वरूपेण क्रमाद्वेदात्मकः स्वयम् ॥ १३ ॥
तेन त्वमुपदिष्टोऽसि विशुद्धं भगवन्मतम् ।
यदाह भगवान्स्तस्मै पुरा रामः स्वयं प्रभुः ॥ १४ ॥
आत्मयोगप्रभावेण नैष मुह्यति कश्चन ।
यस्यान्तः सर्वदैवास्ति देवो रामः स्वयं हरिः ॥ १५ ॥
पद्मासने संनिविष्टः कनकाङ्गदभूषितः ।
द्विभुजो वै धनुर्बाणवनमालाविरोजितः ॥ १६ ॥
कुण्डली पीतवसनो रत्नकङ्कणभासुरः ।
मेघश्यामः पुण्डरीकनेत्रो दिव्य किरीटवान् ॥ १७ ॥
पितापि ते तत्स्वरूपः कालात्मा भगवानसौ ।
तस्य त्वं तनयः साक्षाद्देवो वैवस्वतो मनुः ॥ १८ ॥
लोकयात्राप्रवृत्त्यर्थमाविर्भूतः स्वयं हरिः ।
धर्मात्मा धर्मनिपुणो धर्मकर्मप्रवृत्तिकृत् ॥ १९ ॥