भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 151, कुल 423 में से
संदर्भ में पढ़ेंपृष्ठ 151
- १३७ -
अतः परं मे सकलं चिकीर्षितं बभूव तावत्सफलं मनूत्तम।
प्रवर्तितं यद्भवताखिलं जगद्विवृद्धिमेष्यत्युरुवीर्यवर्चसा ॥ २० ॥
अयोध्याख्या पुरी पुण्या तव स्थानं भविष्यति ।
पृथिव्यां भारते वर्षे परं क्षेत्रं भविष्यति ॥ २१ ॥
रामचन्द्रस्य पाणिस्थ कमलं निपतिष्यति ।
सा धन्या नगरी भूमावयोध्याख्या भविष्यति ॥ २२ ॥
नान्यैर्योधयितुं शक्या ब्रह्मक्षत्रविडादिभिः ।
ऊर्जस्वलेर्बलोपेतैरयोध्या तेन सा मता ॥ २३ ॥
अत्युत्तमा योगमयी ध्यानगम्या पुरी तु सा ।
तेनाप्ययोध्येति भवे कीर्तिता सा भविष्यति ॥ २४ ॥
तत्र ते पुत्रपौत्रादिक्रमाद्वृद्धिगतेऽन्वये ।
देवो रामचन्द्रः साक्षादाविर्भूतो भविष्यति ॥ २५ ॥
तं हि ये भुवने लोकाः प्रपत्स्यन्तेऽग्र्यया धिया।
तेषां तापत्रयं दृष्ट्या तत्क्षणेन हरिष्यति ॥ २६ ॥
ततः परं च वितते वंशे तव महीभृतः ।
पुण्यश्लोका भविष्यन्ति भूयांसः सत्यविक्रमाः ॥ २७ ॥
एवं त्वं क्षत्रवंशस्य बीजरूपोऽसि वै मनो ।
अतस्त्वां मानयिष्यन्ति क्षत्रबीजं मनीषिणः ॥ २८ ॥
इक्ष्वाकुनामा तनयो भवतः सम्भविष्यति ।
ततः प्रसृत्वरो वंशः क्षत्रियाणां भविष्यति ॥ २९ ॥
एवमुक्त्वा गतो देवो भगवान् कमलासनः ।
वैवस्वतस्तपश्चक्रे प्रजासृष्ट्यर्थमुत्तमम् ॥ ३० ॥
वर्षवातातपहिमैः कायक्लेशसहो मुनिः ।
ऊर्ध्वबाहुरुपासीनो भगवन्तं दिनेश्वरम् ॥ ३१ ॥
अङ्गुष्ठाग्रेण धरणीं स्पृशन्नेकाग्रमानसः ।
जितेन्द्रियो जिताहारो जितश्वासो दृढव्रतः ॥ ३२ ॥
शुष्कपर्णाशनोऽब्भक्षो वायुभक्षो महातपाः ।
दिव्यवर्षसहस्रं स बभूवातीव निश्चलः ॥ ३३ ॥
कामपानः प्रजासर्गं स्वस्माद्वैवस्वतो मनुः ।
निवासं चात्मनोऽत्यर्थं पुण्यक्षेत्रमनुत्तमम् ॥ ३४ ॥
ब्रह्मावर्ताभिधे देशे चकार शुचिमानसः ।
ततस्तपस्यतस्तस्य राम आविर्भूतपुरः ॥ ३५ ॥