भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 149, कुल 423 में से
संदर्भ में पढ़ेंपृष्ठ 149
- १३५ -
एतद्विज्ञाय सततं कुरु सृष्टिं मदाज्ञया ।
न भविष्यति ते मोहः प्रजासर्गं प्रवर्तय ॥ ४८ ॥
इति ते प्रतिजानेऽहं मा ग्लासीस्त्वंमनागपि ।
मां विद्धिशुद्धभावेन मयि बुद्धिं निवेशय ॥ ४९ ॥
मामुपात्स्व च मय्यास्स्व मयि सर्वं विचिन्तय ।
कर्माणि मयि सन्यस्य ज्ञानं कुरु मदाश्रयम् ॥ ५० ॥
मामेव यजमानस्त्वं वीतशोको भविष्यसि ।
इदं शास्त्र मया पूर्वं ब्रह्मणे प्रतिबोधितम् ॥ ५१ ॥
ब्रह्मा प्राह प्रसादेन सनकादीन् महामुनीन् ।
सनत्कुमारो भगवान् नारदायोपदिष्टवान् ॥ ५२ ॥
एवं परम्परायातमिदं ज्ञानं सनातनम् ।
त्वं चापि निजपुत्राय मनवे शुद्धचेतसे ॥ ५३ ॥
सरहस्यमिदं ज्ञानं काले समुपदेक्ष्यसि ।
स आकर्ण्याखिलं त्वत्तो विमलं मन्मतं प्रभो ।
भवानिव यथेदानीं चित्ते निर्वृतिमेष्यति ॥ ५४ ॥
इति श्रीमदादिरामायणे ब्रह्मभुशुण्डसंवादे पश्चिमखण्डे सीताजन्मोत्सवे
सरयूतपत्तौ वैवस्वतोपाख्याने ज्ञानोपदेशो नाम
षट्चत्वारिंशोऽध्यायः ॥ ४६ ॥
✤
सप्तचत्वारिंशोऽध्यायः
विवस्वानुवाच
उपदिश्य परं गुह्यमिदं ज्ञान मयाच्युतः ।
ज्ञात्वा मां गतसंदेहं तत्रैवान्तरधीयत ॥ १ ॥
इदं ते सनिगदितं रहस्यं वैष्णवं मतम् ।
हृदि निश्चित्य न पुनः शोकमेवं प्रयास्यसि ॥ २ ॥
निर्भयो वीतशोकश्च प्रवर्तय विशेषतः ।
प्रजासर्गमिमं तात यथेच्छा पारमेश्वरी ॥ ३ ॥
नह्यसौ बाधकः कच्चिज्ज्ञानिनः शुद्धचेतसः ।
ब्रह्मण्यारोप्यमाणत्वाद्वार्धितः स्वयमेव तत् ॥ ४ ॥