भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 148, कुल 423 में से
संदर्भ में पढ़ेंपृष्ठ 148
- १३४ -
ज्ञानक्रियोभययुतं सर्वस्याधारमव्ययम् ।
विश्वतोमुखमानन्दमनन्तं चित्प्रकाशिनम् ॥ ३२ ॥
अणुं महान्तमचलमव्यक्तं प्रकृतेः परम् ।
एवं ध्यानं समभ्यस्य चित्तं कुर्याद्धिशे सदा ॥ ३३ ॥
अन्तकालेऽपि च ततो मामुपैति न संशयः ।
जीवशक्तिं सुसंहृत्य जीवं ध्यायेच्चिदुज्ज्वलम् ॥ ३४ ॥
रामेति राममन्त्रेण परे ब्रह्मणि योजयेत् ।
परं ब्रह्म यथोक्तं मत्स्वरूपं भावयन् सदा ॥ ३५ ॥
विशते शुद्धभावेन प्रेमाख्येनोपबृंहितः ।
एवं मयि सुसंगम्य पुनर्जन्म न चाप्नुयात् ॥ ३६ ॥
ततो दुःखालयो घोरः संसारो विनिवर्तते ।
ब्रह्मलोकात्परं स्थानं यतो नावर्तते पुनः ॥ ३७ ॥
तत्स्थानं समुपैत्येष भक्तियोगप्रभावतः ।
द्विपराद्धं विधेरायुस्तदन्तेभूतभौतिकाः ॥ ३८ ॥
महाभूते विलीयन्ते तच्च मय्यहमव्ययः ।
जागर्मि सर्वदा भानः सदानन्दपदस्थितः ॥ ३९ ॥
तस्य मे प्राप्त्युपायस्तु भक्त्यन्यो नैव विद्यते ।
तपःस्वाध्याययोगाद्यैर्भक्तिः साध्यास्ति केवलम् ॥ ४० ॥
भावशुद्ध्या भवेद्भक्तिस्तस्माद्भावं विशोधयेत् ।
अपरे त्वासुरे सर्गे सम्भूतास्तत्तामसा जनाः ॥ ४१ ॥
मत्स्वरूपं न जानन्ति तस्मान्नैव भजन्ति ते ।
मूढा वितथकर्माणो वितथाज्ञानवैभवाः ॥ ४२ ॥
विज्ञाय सगुणाकारमात्मौपम्येन मामपि ।
अवज्ञावञ्चितात्मानो न विजानन्ति तत्त्वतः ॥ ४३ ॥
ते वै दूरतरा मत्तो न कदाचिद्भवाम्बुधेः ।
मुक्ता भवन्त्यपसदाः सदेवासुरयोनयः ॥ ४४ ॥
देवाश्चैवासुराश्चैव जीवाः सामान्ययोनयः ।
तत्र देवाः सदा मुक्ताः सामान्याः साधनव्रजैः ॥ ४५ ॥
आसुरा नैव मुच्यन्ते जन्मकोटिशतैरपि ।
तस्माद्विद्वन् मुक्तोऽसि देवसृष्ट्येकसम्भवः ॥ ४६ ॥
मान्वशोचः कदापि त्वमनुतिष्ठमतं मम ।
इदं ते ज्ञानमतुलमुपदिष्टं परन्तप ॥ ४७ ॥