भोजनकुतूहल: प्रथम भाग (रघुनाथ नवहस्त - आहार-रसायन, पाकशाला-व्यवस्था व विरुद्धाहार)

प्रथमपरिच्छेदः
॥ तथा लघुदीपनः ।
तद्वच्च धूसरो मुद्गो रसवीर्यादिषु स्मृतः ॥
कषायमधुरो रूक्ष्यः पित्तवातविबन्धकृत् ।
इति मुद्गगुणाः ।
अथ माषगुणाः ।
निघण्टौ
माषः स्निग्धो बहुमलकरः शोषणः श्लेष्मकारी
वीर्येणोष्णो झटिति कुरुते रक्तपित्तप्रकोपम् ।
हन्याद्वातं गुरु बलकरो रोचनो भक्ष्यमाणः
स्वादुर्नित्यं श्रमसुखवतां सेवनीयो नराणाम् ॥
सुखवतां अरोगिणाम् ।
राजमाषो नीलमाषो नृपमाषो नृपोचितः ।
कफपित्तहरो रुच्यो वातकृद्बलदायकः ॥
अरण्यमाषा गुणतः प्रदिष्टा रूक्षाः कषाया अविदाहिनश्च ।
इति माषाः ।
अथ राजमाषगुणाः ।
राजमाषो गुरुर्भूरिमलकृद्रूक्षोऽतिवातलः ।
कषायानुरसः स्वादुरवृष्यः श्लेष्मपित्तजित्
निघण्टौ
कषायमधुरः शीतलः कफपित्तहृत्
श्रमहरो रुच्यः पवनाध्मानकारकः
थोरचवळे ।
१. J1. पीतो वातविबन्ध
२. J1. Reads नीलमाषगुणाः । before अरण्यमाषा etc.