भोजनकुतूहल: प्रथम भाग (रघुनाथ नवहस्त - आहार-रसायन, पाकशाला-व्यवस्था व विरुद्धाहार)

अथ सविषान्नादिपरीक्षा ।
ओदनो विषवान्सान्द्रो यात्यविश्रावितामिव ।
चिरेण पच्यते पक्को भवेत्पर्युषितोपमः ॥
मयूरकण्ठतुल्योष्मा मोहमूर्च्छाप्रसेककृत् ।
हीयते गन्धवर्णाद्यैः प्लवते चन्द्रकान्वितः ॥
व्यञ्जनान्याशु शुष्यन्ति श्यामफेनानि तत्र च ।
हीनातिरिक्ता विकृता छाया दृश्येत नैव वा ॥
फेनोर्ध्वराजीसीमन्ततन्तुबुद्बुदसम्भवः ।
विच्छिन्नरागिं रागाः सान्द्राः शाकमामिषम् ॥
नीला राजी रसे ताम्रा क्षीरे दध्नि च दृश्यते ।
श्यामा पीता सिता तक्रे घृते पाटलमञ्जिष्ठा ॥
मस्तुनि स्यात्तु कपिलाभा राजी कृष्णा तुपोदके ।
चाम्राम्बुशोणतुल्या कपिलाभा द्रवापथे ॥
काली मध्वाम्भसोः शीघ्रे हारिद्रोऽरुणोपमा ।
पाकः फलानामामानां पक्वानां परिकोथनम् ॥
द्रव्याणामार्द्रशुष्काणां स्यातां म्लानिविवर्णते ।
मृदूनां कठिनानां च भवेत् स्पर्शविपर्ययः ॥
माल्यानां स्फुटितत्वं च म्लानिर्गन्धान्तरोद्भवः ।
श्याममण्डलतो वस्त्रे शातनं तन्तुपक्ष्मणाम् ॥
धातुमौक्तिककाष्ठाश्मरत्नादिषु मलान्धता ।
स्नेहस्पर्शप्रभाहानिः सप्रभत्वं च मृन्मये ॥
विषदलक्षणम् ।
विषदः श्यामशुष्कास्यो विलक्षो वीक्षते दिशः ।
स्वेदवेपथुमांस्त्रस्तो भीतः स्खलति जृम्भते ॥
१. J₁ T₁. यात्यविश्राव्यतामिव, Bh. यात्यविश्राम्यतामिव ।
२. J₁ म्लानिर्गन्धान्तरोद्भवः, Bh. म्लानिर्गन्धान्तरो भवेत् ।
३. J₁ विषदपरीक्षणम्, Bh. omits विषदलक्षणम् ।