अश्ववैद्यकम् (जयदत्त सूरि - विस्तृत अश्व-रोग निदान एवं शल्य-चिकित्सा महाग्रन्थ)

८ अध्यायः।] उपचारविवरणम्। ६५
चूर्णयित्वा क्षिपेत्तच्च शनैर्मृद्वग्निना पचेत् ।
स्नेहानुवासनादेतद्¹ बन्ध्यायाः स्यात् फलप्रदम् ॥१३॥
क्वाथं रौहीतकं क्षीरं माक्षिकं रोहिणीद्वयम्² ।
विड़ङ्गेन समालोड्य पाययेन्मतिमान् भिषक् ॥ १४ ॥
एतैश्च पिण्डिकां कृत्वा योन्यां तस्याः प्रवेशयेत् ।
ततः संयोजयेदश्वं पश्चात्तौयावगाहनम्³ ॥ १५ ॥
कारयेन्मस्तकं चास्या अम्बुभिः परिषेचयेत् ।
एवं गर्भं प्रगृह्णाति कर्तव्यो नात्र संशयः ॥ १६ ॥
इति श्रीमहासामन्तजयदत्तकृतेऽश्वशास्त्रे बन्ध्योप-
चारेऽष्टमोऽध्यायः ।
१४। रौहीतकमिति रोहीतको दाड़िम्बपुष्पकः (रोढा) इति
प्रसिद्धः । तेन रौहीतकं । रोहितकस्य पलं वारिणश्च प्रस्थः । एतस्य
पादावशिष्टं क्वाथम ।
१ । पानात् तैलं बन्ध्याफलप्रदम् । खः ।
२ । रोहिणीवचा । : ।
३। तोयेऽवगाहयेत् । गः ।