अनङ्गरङ्ग (महाकवि कल्याणमल्ल - कामशास्त्र एवं रति-प्रयोग संस्कृत मूल पाठ)

अथ नवमः स्थलः ।
—————
॥ अथ बाह्यसम्भोगविधानम् ॥
मतिमानुपभोगपूर्वकं
सुरतं संविदधीत कान्तया ।
परिरम्भणमेव पण्डितैः
प्रथमं तेषु निगद्यते ऽष्टधा ॥ १ ॥
वृक्षाधिरूढं तिलतण्डुलाख्यं
लालाटिकं जाघनविद्धकं च ।
ऊरूपगूढाह्वयदुग्धनीरे
तत्राष्टमं वल्लिरिवेष्टितं स्यात् ॥ २ ॥
॥ अथ ————— ॥
चरणकमलमेकेनाङ्घ्रिणाक्रम्य भर्तु-
रपरपदसरोजेनाश्रयन्ती तदूरुम् ।
तरुमिव भुजवल्ल्यावेष्ट्य चुम्बेन्नताङ्गी
कथितमिह मुनीन्द्रैस्तद्धि वृक्षाधिरूढम् ॥ ३ ॥
भुजगुह्यविपर्ययं मिथो
घटयेचेन्मिथुनं सुनिश्चलम् ।
तिलतण्डुलसंज्ञकं तदा
परिरम्भं कथयन्ति सूरयः ॥ ४ ॥
मिथो ललाटाक्षिकपोलवक्त्र-
हृद्बाहुवक्षोर्मिथुनं घटेत ।