अनङ्गरङ्ग (महाकवि कल्याणमल्ल - कामशास्त्र एवं रति-प्रयोग संस्कृत मूल पाठ)

४२ अनङ्गरङ्गः [ अष्टमः
भूषाविहीना न ददाति तस्मै
स्वदर्शनं याचितमप्यजस्रम् ॥२१॥
पुष्पादिना हन्ति तथातितारं ⁷⁵
संकासयेन्मार्ष्टि ⁷⁶ भुजं करेण ।
व्याजेन गच्छेत्सदनं कराङ्घ्रि-
चक्रेषु घर्माम्बु वहेद्विलोक्य ⁷⁷ ॥२२॥
इत्यादिचिह्नेरनुरागयुक्तां ⁷⁸
ज्ञात्वा विदग्धां मृगशावकाक्षीम् ।
संप्रैषयेत्तां प्रति निर्विशङ्कं
दूतीमलं ⁷⁹ कामकलाप्रवीणः ⁸⁰ ॥२३॥
॥ अथ दुः[साध्याः] ॥
भर्तृस्नेहवती दृढैकवनिता प्रेम्णा ⁸¹ विहीना भृशं
सेर्ष्या भूरिसुता कृपाभययुता ⁸² गुर्वादिभीता ⁸³ स्थिरा ।
प्रायेणार्थवती तथा परजनालापे विरक्ता सदा
निर्लोभा व्यभिचारकर्मणि बुधैर्दुःखेन साध्या स्मृता ⁸⁴ ॥२४॥
॥ अथ सुरते त्याज्यस्थानानि ⁸⁵ ॥
वह्निब्राह्मणपूज्यवर्गनिकटे नद्यां च देवालये
दुर्गादौ च चतुष्पथे परगृहे ऽरण्ये श्मशाने दिवा ।
सङ्क्रान्तौ शशिसंक्षये ऽथ ⁸⁶ शरदि ग्रीष्मे ज्वरातौं व्रते
सन्ध्यायां च परिश्रमेषु सुरतं कुर्यान्न विद्वान्क्वचित् ॥२५॥
॥ अथ सुरते विहितप्रदेशाः ॥
विस्तीर्णे ललिते ⁸⁷ सुधाधवलिते चित्रादिनालंकृते
रम्ये ⁸⁸ प्रोन्नतचत्वरे ऽगुरुमहाधूपादिपुष्पान्विते ⁸⁹ ।