अनङ्गरङ्ग (महाकवि कल्याणमल्ल - कामशास्त्र एवं रति-प्रयोग संस्कृत मूल पाठ)

२८ अनङ्गरङ्गः [ षष्ठः
यष्टीसावरधात्रीणां¹³⁹ चूर्णं¹⁴⁰ पीतं पयोन्वितम् ।
सप्ताहाच्चलितं गर्भं स्त्रीणां संस्तम्भयेद्ध्रुवम्¹⁴¹ ॥६६॥
कन्दं लोहितपद्मस्य¹⁴² क्षीराज्यमधुसंयुतम् ।
सुपक्वं शीतलं कृत्वा सप्ताहं याङ्गना¹⁴³ पिबेत् ॥६७॥
गर्भस्रावं तथा वान्तिं¹⁴⁴ शूलं शोथं¹⁴⁵ त्रिदोषजम् ।
अन्यांश्च बहुशो¹⁴⁶ रोगान्नाशयेन्नात्र संशयः ॥६८॥
॥ अथ सुखप्रसवविधिः ॥
मातुलुङ्गमधूकोत्थं¹⁴⁷ चूर्णं मधुघृतान्वितम् ।
पीत्वा सूते सुखं नारी¹⁴⁸ शीघ्रमेव न संशयः ॥६९॥
गृहधूमं समादाय पिबेत्पर्युषिताम्भसा ।
या सा सूते सुखेनैव शीघ्रमेव वराङ्गना ॥७०॥
रविवारे गृहीतस्य गुञ्जामूलस्य बन्धनात् ।
नीलसूत्रैः कटौ मूर्ध्नि जायते प्रसवो द्रुतम्¹⁵⁰ ॥७१॥
ओं मन्मथ मथ मथ¹⁵¹ बाहिलि बालस्योदरं¹⁵² मुञ्च मुञ्च लघु स्वाहा ॥
इति मन्त्रेण संजप्तं पातुं देयं जलं बुधैः ।
सूते ऽङ्गना सुखं शीघ्रं मन्त्रराजप्रसादतः ॥७२॥
॥ अथ वन्ध्यात्वापादनम् ॥
गुडं त्रैहायनं यात्ति¹⁵³ पलमात्रं तु नित्यशः ।
मासार्धं सा¹⁵⁴ भवेद्वन्ध्या यावदायुर्न संशयः ॥७३॥
तुषतोयेन संक्वाथ्य मूलमग्निरूद्भवम्¹⁵⁵ ।
पुष्पावसाने त्रिदिनं पीत्वा वन्ध्याभिजायते¹⁵⁶ ॥७४॥
कदम्बस्य¹⁵⁷ फलं पादं मक्षिकाया¹⁵⁸ दिनत्रयम् ।
पीतमुष्णोदकेनैतद्वन्ध्यात्वं¹⁵⁹ प्रतिपादयेत् ॥७५॥
रक्षोभरुहबीजानां¹⁶⁰ पलार्धं तण्डुलाम्भसा ।
ऋतौ पीतं¹⁶¹ तु सप्ताहं वन्ध्यां कुर्यान्मृगीदृशम्¹⁶² ॥७६॥