आल्हा-खण्ड / परमाल रासो (महाकवि जगनिक - ५२ लड़ाइयों का ऐतिहासिक वीरगाथा महाकाव्य)

विदा कि विरिया अब आई है यह मोहिं कह्यो चँदेलोराय ६२
यहु संदेशा हम लाये हैं ओ महराज पिथोराराय ॥
जो कछु उत्तर तुम ते पावैं राजै सर्वइ सुनावैं जाय ६३
बातें सुनिकै ये रूपन की बोले पृथीराज महराज ॥
देश हमारे की रीती यह पुरिखन कियो अगारी काज ६४
ब्याह के पीछे गौना देवैं तबहीं होवै पूर विवाह ॥
यहतुम कहियो परिमालिक ते ऐसे कहे बचन नरनाह ६५
धन्य बखानैं हम आल्हा को सातो भाँवरि लियो कराय ॥
हैं सब लायक मलखे ठाकुर हमरो कहौ संदेशो जाय ६६
सुनिकै बातें पृथीराज की रूपन चला तुरत शिरनाय ॥
आयकै पहुँच्यो त्यहि तम्बू में ज्यहि में रहैं चँदेलेराय ६७
आल्हा ऊदन मलखे सुलखे बैठे लिहे ढाल तलवार ॥
जोगा भोगा मन्नागूजर जगनिक भैने चँदेलेक्यार ६८
जो संदेशा पृथीराज का रूपन सो गा सबै सुनाय ॥
सुनिकै बातें पृथीराज की भा मन खुशीं चँदेलोराय ६६
हुकुम लगायो फिरि लश्कर में क्षत्री कूच देयँ करवाय ॥
मानि आज्ञा परिमालिक की आल्हा कूच दीन फरमाय १००
कूच क डंका तब बाजत भो क्षत्री सबै भये हुशियार ॥
हथी चढ़ैया हाथी चढ़िगे बाकी घोड़न भे असवार १०१
बाजे डंका अहलंका के घूमन लागे लाल निशान ॥
बैठि पालकी ब्रह्मा चलि भे साथै चले वीर मलखान १०२
ढोल औ तुरही कै गिनती ना बाजन कीन घोर घमंसान ॥
ग्यारा रोज कि मैजलि करिकै मोहवे आये बराती जवान १०३
आगे चलिकै रूपनबारी मल्हना महल पहुँचा आय ॥