अभिधर्मकोश एवं भाष्य (आचार्य वसुबन्धु - स्फुटार्था व्याख्या सहित सम्पूर्ण बौद्ध दर्शन महाकोश)

निर्देश. ] द्वितीयं कोशस्थानम् २०७
कथमिदानीं प्रथमं ध्यानं पञ्चाङ्गमुक्तम्¹ ? भूमितस्तत् पञ्चाङ्गमुक्तम्,
न क्षणतः ॥
मानमदयोः किं नानाकारणम् ?
मान उन्नतिः ।
मदः स्वधर्मे रक्तस्य पर्यादानं तु चेतसः ॥ ३३ ॥
येन केनचित् परतो विशेषपरिकल्पेन चेतस उन्नतिर्मानः ।
मदस्तु स्वधर्मेष्वेव रक्तस्य यच्चेतस पर्यादानम् । यथा मद्यज एवं
रागूजः । सम्प्रहर्षणविशेषो मद इत्यपरे ॥ ३३ ॥
उक्ता सह चित्तेन चैत्ताः प्रकारेण ॥
कतम ? चेतनां वा निश्चित्य प्रज्ञा वा प्रत्यवेक्षको मनोजल्पोऽनभ्यूहाभ्यूहावस्थ-
योर्यथाक्रमम्, सा च चित्तसूक्ष्मता" इति । अस्मिन् पक्षे वितर्कविचारावेकस्व-
भावौ समुदायकूपौ पर्यायवर्तिनौ पर्येषणप्रत्यवेक्षणाकारमात्रेण भिन्नाविव्येते ।
तत्रोदाहरणं केचिदाचक्षते—“तद्यथा बहुषु घटेष्ववस्थितेषु 'कोऽत्र दृढः, को
जर्जर.' इति मुष्टिनाभिघ्नतो य ऊह स वितर्कः, 'इयन्तो जर्जरा दृढा वा'
इति यदन्ते ग्रहणं स विचार" इति ।
कथमिदानी प्रथमं ध्यानं पञ्चाङ्गमिति विस्तर. । विविक्तं कामैर्विविक्तं
पापपैरकुशलैर्धर्मै. सवितर्क सविचारं विवेकजं प्रीतिसुखं प्रथमं ध्यानमुपसम्पद्य
विहरतीति सूत्रे पञ्चाङ्गमुक्तम्, तत् कथम् ? भूमितस्तत् पञ्चाङ्गमुक्तं न क्षणात
इति । प्रथमध्यानभूमि. कदाचिद् वितर्केण व्यवकीर्णा, कदाचिद् विचारेण;
तदेवं सन्तानमधिकृत्य पञ्चाङ्गमुक्तम्, न क्षणमधिकृत्येत्यदोष ।
येन केनचित् परतो विशेषपरिकल्पेनेति भूतेनाभूतेन वा परत उत्कर्षपरिकल्पेन
'शूरोऽर्थवानस्मि शीलवान् बुद्धिसम्पन्न' इति वा या चेतस उन्नति स मानो
नाम चेतसिको धर्म.।
“पर्यादानं तु चेतसः” इति । तु-शब्दो विशेषणार्थो भिन्नक्रमश्चावगन्तव्य.,
अत एवाह—मदस्तु स्वधर्मेष्वेव रक्तस्येति । विस्तर.—चेतसः पर्यादानमिति ।
येन स्वधर्मेष्वेव रूपशौर्यादिषु रक्तं चेत पर्यादीयते सन्निरुध्यते स रागनिष्यन्दो
मद । य. स्वधर्मेष्वेव रक्तस्य दर्पचेतसः पर्यादानात् कुशलधर्मक्रियाभ्यः
प्रतिसंहारो मद इत्याचार्यसङ्घभद्र. । सम्प्रहर्षविशेषो मद इति । क्लिष्टसौमन-
स्यमभिप्रेतम् । तदेतन्नेच्छन्ति वैभाषिकाः । यस्मात् सौमनस्यमा द्वितीयाद्
ध्यानात् । मदश्च त्रेधातुक., “स्त्यानौद्धत्यमदा धातुत्रये” (अभि०को०५.५३)
इति वचनात् ॥ ३३ ॥
१. पञ्चाङ्गयुक्तम्—का० । एवमुपर्यपि ।