अभिधर्मकोश एवं भाष्य (आचार्य वसुबन्धु - स्फुटार्था व्याख्या सहित सम्पूर्ण बौद्ध दर्शन महाकोश)

निर्देशः अष्टमं कोशस्थानम् ११३६
इति मौलं समापत्तिद्रव्यमष्टविधम्,
इत्येतान्यष्टौ मौलानि समापत्तिद्रव्याणि यदुत चत्वारि ध्यानानि,
चत्वार आरूप्या इति ।
तेषा पुनः
त्रिधा ।
सप्त,
भवाग्रान्यानि सप्त त्रिविधानि ।
आस्वादनवच्छुद्धानास्रवाणि,
शुद्धकान्यास्रवाणि च ।
अष्टमं द्विधा ॥ ५ ॥
अनास्रवं नास्ति ।। ५ ।।
तत्र पुनः
आस्वादनासम्प्रयुक्तं सतृष्णम्,
तृष्णा ह्यास्वादना ।
लौकिकं शुभम् ।
शुद्धकम्,
लौकिकं कुशलं समापत्तिद्रव्यं शुद्धकमुच्यतेऽलोभादि शुद्धधर्मयोगात् ।
किं पुनस्तेनास्वादनासम्प्रयुक्तेनास्वाद्यते ?
तत् तदास्वाद्यम्,
तच्छुद्धकं समापत्तिद्रव्यं तेनास्वाद्यते समनन्तरातीतम् । यदास्वादयति
तस्माद् व्युत्थितो येनास्वादयति तत्समापन्नः ।
समापत्तिद्रव्याणि मौलानीति । शाखास्तेषां नोपन्यस्यन्त इत्य-
भिप्रायः ।
कथं सप्त त्रिविधानीति ? आह—"आस्वादनवत् शुद्धानास्रवाणि"
इति ।
अनास्रवं नास्तीति । संज्ञामान्द्यात् ॥ ५ ॥