अभिधर्मकोश एवं भाष्य (आचार्य वसुबन्धु - स्फुटार्था व्याख्या सहित सम्पूर्ण बौद्ध दर्शन महाकोश)

कोशस्थानम् ११०६
Karika & text:
सर्वभूमिकाऽप्येषा तथैव ज्ञातव्या ।
शेषास्तु
पञ्च ध्यानचतुष्टये ॥ ४३ ॥
पञ्चाभिज्ञाः चतुर्ध्यानभूमिकाः ।
कस्मादारूप्यभूमिका न सन्ति ? तिस्रस्तावन्न सन्ति; रूपालम्बन-
त्वात् । चेतःपर्यायाभिज्ञापि नास्ति; रूपतीर्थाभिनिष्पाद्यत्वात्¹। पूर्वनिवास-
स्मृतिरप्यनुपूर्वावस्थान्तरस्मरणामिनिष्पत्तेः । स्थानगोत्राद्यालम्बनत्वाच्च ।
सर्वभूमिकाप्येषेति । 'बलं यद्वद्' इत्यनेनैव वचनेनायमर्थो लभ्यते ।
यस्माच्च 'पञ्चैव ध्यानचतुष्टये' इत्यवधार्यते, तस्मादपीयं षष्ठ्यभिज्ञा
सर्वभूमिकेति गम्यते ।
तिस्रस्तावन्न सन्तीति । ऋद्धि-दिव्यश्रोत्र-दिव्यचक्षुरभिज्ञाः । कस्मात् ?
रूपालम्बनत्वात् । नह्यारूप्याणां रूपमालम्बन