अभिधर्मकोश एवं भाष्य (आचार्य वसुबन्धु - स्फुटार्था व्याख्या सहित सम्पूर्ण बौद्ध दर्शन महाकोश)

११०६ भाष्यस्फुटार्थासहितेऽभिधर्मकोशे [ ज्ञान-
किं पुनरिदं प्रान्तकोटिकं नाम ?
ध्यानमन्त्यम्,
चतुर्थं ध्यानम् ।
सर्वभूम्यनुलोमितम् ।
वृद्धिकाष्ठागतं तच्च,
कथं सर्वभूम्यनुलोमितम् ? कामावचराच्चित्तात् प्रथमं ध्यानं
समापद्यते, ततो द्वितीयम्, एवं क्रमेण यावन्नैवसंज्ञानासंज्ञायतनम् ।
प्रतिलोमं पुनर्यावत् कामावचरं चित्तम् । ततः पुनरनुलोमं यावच्चतुर्थ-
ध्यानम् । एवं सर्वभूम्यनुलोमितम् ।
कथं वृद्धिकाष्ठागतम् ? नवाभिनिर्हारात्—मृदुनो मध्यम्, मध्यादधिमात्रं
समापद्यते । वृद्धिप्रकर्षो हि वृद्धिकाष्ठा । इदमीदृशं प्रान्तकोटिकम्,
प्रगताऽन्ता¹ कोटिरस्येति कृत्वा । कोटिः पुनरत्र वृद्धिः, प्रकारो वा ।
चतुष्कोटिकवत् ।
एते पुनः बुद्धगु