पञ्चसायक (कविशेखर ज्योतिरीश्वर - कामकला एवं रति-शास्त्र संस्कृत मूल पाठ)

चतुर्थ सायक ६५
अथ पीडिताख्यं चुम्बनं निर्दिशति-
हस्ताङ्गुली सम्पुटकेन यत्र
कान्तोष्ठमादाय रमज्ञया च ।
आस्वादयेन्निर्दशनं विनोदात्
स्याच्चुम्बनं पीडितमेतदेव ॥ ४३ ॥
अथ सम्पुटाख्यं चुम्बनं लक्षयति-
कान्तामुखं स्वाधरसम्पुटेन
पीत्वा मुहुः स्वादयति क्रमेण ।
नारी च तेनैव विधानकेन
ज्ञेयं मुनीन्द्रैरिति सम्पुटाख्यम् ॥ ४४ ॥
अथ समौष्ठसंज्ञकं चुम्बनं लक्षयति-
ओष्ठेन कान्तोष्ठयुगं निपीय
जिह्वां निधायाऽप्यथ तालुभागे ।
चुम्बोत्सवे नृत्यति यत्र नारी
प्रोक्तं समौष्ठं मुनिभिः पुराणैः ॥ ४५ ॥
इति चुम्बनसमुद्देशः ॥
(१५) अथ नखघात समुद्देशः-
अथ नख